وزیر اعظم مودی کی قیادت میں جموں و کشمیر کی تقدیر اورتصویر بدلے گی/راجناتھ سنگھ

اب کشمیر میں صرف ہندوستانی پرچم نظر آتا ہے ، ہند چین تنازعہ پر کسی قسم کا سمجھوتہ نہیں کیا جاسکتا ہے

سرینگر/14جون: وزیر اعظم مودی کی قیادت میں آنے والے سالوں میں جموں و کشمیر کی تقدیر اور تصویر بدل جائے گی کی بات کرتے ہوئے مرکزی وزیر دفاع راجناتھ سنگھ نے کہا کہ جموں کشمیر کو ایسی اونچائیوں پر پہنچایا جائے گا کہ پاکستان کے زیر انتظام کشمیر کے لوگ رشک کرینگے کہ’’ کاش وہ ہندوستان کا حصہ ہوتے”۔سی این آئی مانیٹرنگ کے مطابق جموں کی ایک ریلی سے ویڈیو کانفرنس کے ذریعے خطاب کرتے ہوئے مرکزی وزیر دفاع راجنا تھ سنگھ نے کہا کہ "ذرا انتظار کریں ، جلد ہی پی او کے کے لوگ یہ مطالبہ کریں گے کہ وہ ہندوستان کے ساتھ رہنا چاہتے ہیں نہ کہ پاکستان کی حکمرانی میں ، اور جس دن ایسا ہوگا ، ہماری پارلیمنٹ کا ایک مقصد بھی پورا ہو جائے گا۔ انہوںنے کہا کہ کچھ وقت پہلے کشمیر میں آئی ایس آئی آئی جھنڈوں کے تلے احتجاجی مظاہروں کے دوران نوجوان کشمیر کی آزادی کا مطالبہ کرتے ہوئے پاکستان اور داعش کے جھنڈے دکھائے گئے تھے۔لیکن "اب وہاں صرف ہندوستانی پرچم نظر آتا ہے۔سنگھ نے کہا ، "وزیر اعظم مودی کی قیادت میں بہت سے اہم فیصلے کیے گئے تھے اور آرٹیکل 370 کو منسوخ کرنا ان میں سے ایک تھا۔”وزیر دفاع نے آرٹیکل 370 کے خاتمے کے بارے میں تفصیل سے بات کی اور جموں و کشمیر کی ترقی و پیشرفت کے مطابق اس اقدام کو بیان کیا۔ انہوں نے کہا کہ خطے کی ترقی مودی حکومت کی اولین ترجیحات میں شامل ہے۔”جن سنگھا کے ایام میں بطور پارٹی بحیثیت ہمارا یہ وعدہ گذشتہ سال بھاری اکثریت سے حکومت سازی کے بعد پورا ہوا تھا۔ سنگھ نے بتایا کہ مرکز میں حکومت بنانے کے 100 دن کے اندر آرٹیکل 370 اور 35 اے کو ختم کردیا گیا تھا۔سنگھ نے کہا کہ وزیر اعظم مودی نے "بین الاقوامی سطح پر ہندوستان کی پیدائش کو فروغ دیا” ہے۔انہوں نے کہا ، "عالمی طاقتیں ملک کا احترام کرتی ہیں اور اس کی تعریف کرتی ہیں۔وزیر دفاع راجناتھ سنگھ نے ہندوستان کی دفاعی پالیسی میں ہو رہی تبدیلی کا ذکر کرتے ہوئے کہا کہ موسم بدل چکا ہے۔ اس کا اثر اب اسلام آباد میں بھی دیکھنے کو مل رہا ہے۔ پاکستان میں اس کی بوکھلاہٹ واضح طور پر دیکھی جاسکتی ہے۔ پاکستان کی فوج مسلسل شرارت کر رہی ہے، لیکن ہندوستانی فوج مسلسل پاکستان کی ہرحرکت پر نظر بنائے ہوئے ہے اور وقت وقت پر اسے جواب بھی دے رہی ہے۔