تیز و طوفانی آندھی سے وادی کے درجنوں علاقوں میں بھاری تباہی

سرینگر/30مئی: جمعہ کی شام وادی کے کئی علاقوں میں تیز اندھی کے نتیجے میں درجنوں رہائشی مکانوں کو نقصان ہوا جبکہ دھان کی پنیری کے ساتھ ساتھ میوہ فصل کو بھی بھاری تباہی ہوئی۔ اس دوران طوفانی ہوائوں کے نتیجے میں وادی کے متعدد علاقوں میں بجلی کے کھمبوں و ترسیلی لائنوں کو بھی نقصان ہوا جس سے کئی علاقے گھپ اندھیرے میں ڈوب گئے۔ اس ضمن میںسی این آئی کو جو تفصیلات ملی ہیں ان کے مطابق طوفانی و تیز آندھی نے وادی کشمیر کے کئی علاقوں میں بھاری پیمانے پر تباہی مچادی۔ جمعہ کی شام کو وادی کے شمال و جنوب میں تیز آندھی کا سلسلہ شروع ہوا جو کئی گھنٹوں تک جاری رہی۔ تیز اندھی کے نتیجے میںشمال و جنوب کے کئی علاقوں میں درجنوں رہائشی مکانات کو نقصان ہوا جبکہ دھان کی پنیری کے ساتھ ساتھ مختلف اقسام کے میوے بھی تباہ ہوگئے۔ ایک اندازے کے مطابق تازہ ہوئی طوفانی آندھی سے کرڈوں کا نقصان ہوا ہے۔ اس دوران تیز آندھی اور بادل پھٹ جانے سے بجلی کی سپلائی میں بھی خلل آیا۔ہوائیں چلنے سے بجلی کے کھمبے ٹوٹ گئے جبکہ ترسیلی لائنوں کو بھی نقصان ہوا۔ شمالی کشمیر کے بانڈی پورہ، بارہ مولہ، کپوارہاور گاندربل اضلاع کے ساتھ ساتھ دوسرے ضلعوںجن میں بڈگام ، اننت ناگ ، پلوامہ، کولگام اور شوپیان میں بھی تیز آندھی سے بھاری پیمانے پر نقصان کی اطلاع موصول ہوئی ہے ۔محکمہ موسمیات نے آئندہ چوبیس گھنٹوں میں مزید بارشوں کی پیشن گوئی کی ہے۔ دریں اثنا تیز بارشوں کے باجود بھی منگل کوگرمی کی شدت برقرار رہی جبکہ زیادہ تر نمی کی صورتحال رہی۔