سرینگر /19مئی: وبائی بیماری کے پھیلائو کے چلتے لائن آف کنٹرول پر تنائو کا ماحول جاری ہے اور منگل کو ایک مرتبہ پھر تناو کے ماحول میں اس وقت پھرتیز ی آئی جب لائن آف کنٹرول کے راجوری سیکٹر میں پاکستان نے جنگ بندی محاہدے کی خلاف ورزی کرتے ہوئے بھارتی چوکیوں کو نشانہ بنا کر ان پر شدید فائرنگ کی جس کے نتیجے میں کئی دھانچوں کو نقصان پہنچ گیا ہے ۔ادھر سرحدوں پر جاری کشیدگی کے باعث کنٹرول لائن کے قریب رہنے والوں افراد میں تشویش کی لہر پائی جا رہی ہے ۔ کرنٹ نیوز آف انڈیا کو دفاعی ذرائع سے موصولہ تفصیلات کے مطابق بھارت پاک لفظی جنگ کے بیچ پاکستانی افواج نے ایک بار پھر آج لائین آف کنٹرول پر نا جنگ محاہدے کی خلاف ورزی کرتے ہوئے منگل کی صبح راجوری سیکٹر میںبھارتی چوکیوں کو نشانہ بنا کر ان پر شدید فائرنگ کی ۔دفاعی ذرائع کے مطابق پاکستانی افواج نے لائین آف کنٹرول کے راجوری سیکٹر میں منگل کی اعلیٰ صبح بھارتی چوکیوں کو نشانہ بنا کر ان پر شدید گولہ باری کی ۔ذرائع کے مطابق پاکستانی افواج کی طرف سے فائرنگ کے جواب میں سرحد کی حفاظت پر تعینات بھارتی افواج کے اہلکاروں نے بھی مورچہ زن ہو کر جوابی کاروائی کی جس کے نتیجے میں طرفین کے مابین گولیاں کا تبادلہ کچھ دیر تک جاری رہا ۔ذرائع کے مطابق طرفین کے مابین گولہ بھاری کی وجہ سے سرحد پر رہائش پذیر علاقے لرز اُٹھے اور ان میں خوف و دہشت کی لہر پھیل گئی۔ دفاعی ترجمان نے کہا کہ فائرنگ کے تبادلے میںکئی دھانچوں کو نقصان پہنچ گیا ۔ دفاعی ذرائع کے مطابق پاکستابی افواج نے شہری آبادی والے علاقوں کو نشانہ بنا کر شدید گولہ باری اور ماٹر شلنگ کی ۔خیال رہے کہ لائن آف کنٹرول پر ہند پاک افواج کے مابین شدید گولی باری اور ماٹر شلنگ کا سلسلہ بدستور جاری ہے جس کے نتیجے میں لوگوں میں خوف و ہراس کی لہر دوڑ رہی ہے جبکہ کئی ایک نے نقل مکانی کا سلسلہ بھی شروع کیا ہے ۔ ادھر پاک فوج کے شعبہ تعلقات عامہ (آئی ایس پی آر) کے مطابق لائن آف کنٹرول پر بھارتی فوج نے ایک بار پھر سیز فائر معاہدے کی خلاف ورزی کی اور ہٹ دھرمی کا مظاہرہ کرتے ہوئے جان بوجھ کر شہر آبادی کو نشانہ بنایا۔آئی ایس پی آر کے مطابق بھارتی فوج نے ایل او سی کے کھوئی رٹہ سیکٹر کے ججوٹ گاؤں پر خود کار ہتھیاروں سے فائرنگ کی، بھارتی فوج کی فائرنگ سے شہری شدید زخمی ہوگیا جسے فوری طور پر طبی امداد کے لیے قریبی شفا خانے پہنچادیا گیا۔خیال رہے کہ گزشتہ کئی ماہ سے لائن آف کنٹرول پر جنگ بندی معاہدے کی خلاف ورزیوں کا سلسلہ جاری ہے جس کے نتیجے میں لوگوں میں خوف و ہراس کی لہر دوڑ رہی ہے ۔
Comments are closed.