ریڈزونوں میں بندشیں سختی سے نافذ ، سرینگر کے رعناواری اسپتال سے مزید پانچ مریض صحت یابی کے بعد رخصت

سرینگر: عالمی وبائی بیماری کوروناوائرس بڑھتے پھیلاءو کے بیچ لاک ڈاون کے 32ویں روز بھی وادی کشمیر میں معمولات زندگی درہم برہم ہوکے رہ گئیں ۔ اس دوران وادی کے حساس مقامات کے علاوہ شہر خاص و لالچوک کے گردونواح میں حفاظت کے سخت انتظامات کئے گئے ۔ جبکہ وادی کے معروف سنڈے مارکیٹ میں بھی خاموشی چھائی رہی ۔ اسی دوران سرینگر کے جی این ایل ایم اسپتال سے مزید پانچ کورنا مریض صحت یابی کے بعد رخصت کئے گئے ۔ سی این آئی کے مطابق جموں کشمیر میں کورنا وائرس کے کیسوں میں ہر گزرتے دن کے ساتھ اضافہ دیکھنے کو ملتا ہے ۔ وادی کشمیر میں کورنا وائرس کے مریضوں میں اضافہ کے بیچ لاک ڈاءون بھی سختی سے نافذ ہے اور بھارت بھر کے ساتھ ساتھ وادی کشمیر میں بھی آج لاک ڈاون پر مکمل عمل درآمد ہوا جس کے نتیجے میں وادی کشمیر میں معمولات زندگی بُری طرح سے متاثر ہوئی ہے جبکہ وادی میں حساس علاقوں کے ساتھ ساتھ شہر خاص میں سخت بندشیں عائد رہیں ۔ ادھر کورناوئرس کے کیسوں میں مسلسل اضافہ ہونے کے نتیجے میں اہلیان وادی میں سخت تشویش دور گئی ہے اور لوگوں میں سخت خوف و ہراس پھیل گیا ہے ۔ اس دوران انتظامیہ کی جانب سے بندشوں میں مزید سختی برتی جارہی ہے اور حکم امتناعی کی خلاف ورزی کرنے والوں سے سختی سے نمٹا جارہا ہے ۔ اور درجنوں افراد کے خلاف روزانہ کیس دائر کیا جارہا ہے ۔ عالمی وبائی کوروناوائرس کے تیزی کے ساتھ پھیلاءو کی وجہ سے ملک بھر کے ساتھ ساتھ وادی کشمیر میں بھی گذشتہ32روز سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ کورونا وائرس کے پھیلاوَ کی رفتار تیز گام ہونے کے پیش نظر وادی کشمیر میں جہاں اتوار کو مسلسل 32ویں روز بھی سخت لاک ڈاوَن جاری رہا وہیں لوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔ انتظامیہ نے کورونا وائرس پر قابو پانے کے لئے درجنوں ان علاقوں ، جن سے وائرس کے مصدقہ یا مشتبہ کیسز سامنے آئے ہیں ، کو ;39;ریڈ زون;39; قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے ۔ جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کےلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں ۔ ادھر سرینگر کے رعناواری اسپتال میں زیر علاج مزید پانچ کورنا مریض صحت یاب ہو چکے ہیں جس کے بعد انہیں اتوار کو اسپتال سے رخصت کر دیا گیا ۔ اسی دوران وادی کشمیر میں لاک ڈاءون کے چلتے معروف سنڈے مارکیٹ مسلسل چھٹے ہفتے بھی مکمل طور پر بند رہا ۔ قابل ذکر ہے کہ عالمی وبائی بیماری کورنا وائر س کے پھیلاءو کے ساتھ ہی پوری وادی میں لاک ڈاءون کا نفاذ عمل میں لایا گیا جس کے ساتھ ہی تمام سرگرمیاں مفلوج ہو کر رہ گئی ۔ ( سی این آئی )