جموں کشمیر حکومت کورنا وائرس سے نمٹنے کیلئے مکمل طور تیار ، نظام الدین مرکز سے آئے 1900افراد کی شناخت کر لی گئی

سرینگر/10اپریل: جموں کشمیر حکومت نے کورنا وائرس سے نمٹنے کرنے کیلئے تمام انتظامات بہم رکھیں ہے کی بات کرتے ہوئے جموں کشمیر کے لیفٹنٹ گورنر جی سی مرمو نے کہا کہ ریڈ زون والے علاقوں میں 14اپریل کے بعد بھی بند شیں برقرار رہے گی ۔ اسی دوران انہوں نے کہا کہ دہلی کے نظام الدین مرکز سے تعلق رکھنے والے جموں کشمیر کے 1900 افراد کی شناخت ہوگئی ہے اور ان کو COVID-19 کے لئے جانچ کیا جارہا ہے۔سی این آئی مانیٹرنگ کے مطابق معروف خبر رساں ادارے اے این آئی سے بات کرتے ہوئے جموں کشمیر کے لیفٹنٹ گورنر جی سی مرمو نے کہا کہ جموں کشمیر میں کورنا وائر سے نمٹنے کیلئے انتظامیہ پہلے ہی متحرک ہے اور اس سلسلے میں مکمل طور انتظامات کئے گئے ہیں ۔ انہوں نے کہا کہ دلی کے نظام الدین مرکز میں شامل ہونے والے جموں کشمیر کے افراد کی شناخت کر لی گئی ہے اورتبلیغی جماعت سے وابستہ تمام افراد کو تنہائی میں رکھا گیا ہے۔ انہوں نے کہا کہ جموں کشمیر میں 1900 افراد کی شناخت کی گئی ہے جو نظام الدین کے مرکز میں موجود تھے۔ ہم نے ان کے فون نمبروں کے ذریعہ ان کا سراغ لگایا اور انہوں نے ہمارے ساتھ تعاون کیا۔ ان کا تجربہ کیا جارہا ہے اور انہیں تنہائی میں رکھا گیا ہے۔ کام سرگرم عمل جاری ہے۔ خبر رساں ادارے کے ساتھ بات کرتے ہوئے انہوں نے بتایا کہ جموں کشمیر یونین ٹیریٹریوری میں 17ہزار N95 ماسک ، 13ہزارپرسنل پروٹیکٹو آلات (پی پی ای) کٹس ، اور کوویڈ 19 سے نمٹنے کے لئے 200 وینٹی لیٹر ہیں ۔ ہمارے پاس جلد ہی 80ہزارریپڈ ٹسٹ کٹس ملیں گی جنہیں یہاں نشاندہی کی جانے والی ریڈ زونز میں استعمال کیا جائے گا ، کوویڈ 19 کا جلد پتہ لگانے کے لئے۔”لیفٹیننٹ گورنر نے مزید کہا کہ جموں وکشمیر میں 14 اپریل کے بعد بھی "34 ریڈ زون” میں پابندی برقرار رہے گی اور ان زونوں میں "انتخابی پابندیاں ، نقل و حرکت اور سماجی دوری” ہوگی۔ انہوں نے کہا کہ اس کے لئے منصوبہ بندی جاری ہے۔