سرینگر /11مارچ: پاکستان میں کروناوائرس کے دس معاملے اب تک سامنے آئے ہیں جبکہ عالمی سطح پر ایک لاکھ سے زائد معاملات کی تصدیق ہوچکی ہے جبکی چھ ہزار کے قریب افراد بیماری کے بعد ٹھیک ہوچکے ہیں ۔ کرنٹ نیوز آف انڈیا مانیٹرنگ کے مطابق دنیا میں کورونا وائرس سے متاثر افراد کی تعدا د میں مسلسل اضافہ ہوتا جا رہا ہے اور اس سے پاکستان بھی اچھوتا نہیں ہے۔پاکستان کے وزیر صحت ظفر مرزا نے بتایا کہ ملک میں اب تک کورونا وائرس کے دس معاملات کی تصدیق ہو چکی ہے۔ مرزا نے ٹویٹ پر کہا کہ کراچی کے ایک مریض میں کورونا وائرس کی تصدیق ہو ئی ہے۔ لوگوں سے کسی بھی طرح کے رابطوں کو روکنے کا مشورہ دیا جا رہا ہے۔ پاکستان میں کورونا وائرس کا یہ دسواں معاملہ ہے۔ایک مریض کے مکمل طور پر ٹھیک ہو جانے کے بعد اسے ہسپتال سے چھٹی دے دی گئی ہے۔ اگر تمام شہری ذمہ داری سے کام کرتے ہیں تو اس وبا کو پھیلنے سے روکا جا سکتا ہے۔جان اپنس یونیورسٹی کے مطابق پوری دنیا میں کورونا وائرس کے اب تک ایک لاکھ سے زائد معاملات کی تصدیق ہو چکی ہے جبکہ 3800 سے زائد افراد اس کی وجہ سے لقمہ اجل بن چکے ہیں اسی درمیان تقریباً 60،600 لوگ اس بیماری سے ٹھیک ہو چکے۔یاد رہے کہ دن میں اب اب تک کروناوائرس سے مرنے والوں کی تعداد 4ہزار سے تجاوز کرگئی ہے جبکہ ایک لاکھ سے زائد متاثر ہیں ۔
Comments are closed.