سرینگر 24فروری : ہندوستان اور پاکستان کے مابین جاری کشیدگی کے بیچ حد متارکہ پر ایک بار پر آر پار گولہ باری کا شدید تبادلہ ہوا ہے ۔جس کے نتیجے میں آر ہار کئی دھانچوں کو نقصان ہو گیا ہے ۔ ادھر دونوں جانب سرحدی آبادی نکل مکانی پر مجبورہوچکی ہے۔ جبکہ زور دار دھماکوں کے نتیجے سرحدی علاقے دہل اُٹھے ہیں ۔ ہندپاک افواج کے مابین کراس ایل اور سی گولی باری کے نتیجے میں سرحدوں کے قریب باشندوں نے گذشتہ رات آنکھوں میں گذاری جبکہ گولی باری کی وجہ سے کئی مکانات کو نقصان پہنچ گیا۔کرنٹ نیوز آف انڈیا کے مطابق ہندوستان اور پاکستان کے مابین چل رہی جنگ جیسی صورتحال کے بعد دونوں ممالک کے درمیان حد متارکہ پر آج بھی شدیدگولہ باری ہوئی ۔ ہندوستان اور پاکستان کی افواج نے اتوار اور سومور کی درمیانی رات کو کو ضلع پونچھ اور کپواڑہ کے ٹنگڈار سیکٹر میں کنٹرول لائن پر ایک دوسرے پر بھاری فائرنگ کی۔آر پار گولہ باری میں جدید ترین ہتھیاروں کا استعمال کیا جارہا ہے ۔ وزارت دفاع کے مطابق یہ واقعہ کرشنا گھاٹی علاقے میں پیش آیا جہاں پاکستان نے گزشتہ شام بلا اشتعال فائرنگ کرکے جنگ بندی کی خلاف ورزی کی۔انہوں نے مزید کہا کہ بھارت اور پاکستان کی افواج کے درمیان گولیوں کا تبادلہ وقفے وقفے سے صبح تک جاری رہا۔دفاعی ذرائع کے مطابق پاکستان کی جانب جنگ بندی معاہدے کی خلاف ورزی کے بعد بھارتی فوج نے بھی پاک فوج کو کرارا جواب دیتے ہوئے پاکستانی فوجی چوکیوں کو نشانہ بناتے ہوئے گولہ باری شروع کی ۔ ۔ ادھر ہندوستان اور پاکستانی سرحدی علاقوں میں رہنے والے لوگوں نے نکل مکانی شروع کی ہے ۔ معلوم ہوا ہے کہ راجوری ، پونچھ اور دیگر جگہوںسے سرحدی آبادی اپنے گھروں کو چھوڑ کر محفوظ مقامات میں پناہ لینا شروع کردیا ہے ۔ سی این آئی کے مطابق ہندپاک افواج کے مابین کراس ایل اور سی گولی باری کے نتیجے میں سرحدی علاقوں میں باشندوں نے گذشتہ رات آنکھوں میں گذاری جبکہ گولی باری کی وجہ سے کئی مکانات کو نقصان پہنچ گیا۔
Comments are closed.