گیلانی کے صحت کے حوالے سے پھیلائی جاری افواہوں بے بنیاد ، لوگ توجہ نہ دیں / صوبائی انتظامیہ

سرینگر 13فروری/سی این آئی// بزرگ حریت رہنما اور حریت کانفرنس گ کے چیرمین سید علی شاہ گیلانی کے صحت کے حوالے سے وادی کشمیر میں پھیلائی گئی افواہوں کے بیچ وادی میں ایک مرتبہ پھر جمعرات کے بعد دو پہر تک موبائیل انٹر نیٹ خدمات بند رہی تاہم بعد میں دو بارہ بحال کی گئی ۔ اسی دوران سید علی گیلانی کے بیٹے نسیم گیلانی نے ان کے والد کے انتقال کی خبریں کو مسترد کرتے ہوئے کہا کہ ان کے والد کافی بیمار ہیں لیکن اللہ کے فضل سے باحیات ہیں۔ادھر صوبائی انتظامیہ نے بھی سید علی گیلانی کے صحت کے حوالے سے پھیلائی جاری افواہوں کو مستر د کرتے ہوئے کہا کہ سب بے بنیاد ہیں۔سی این آئی کے مطابق وادی کشمیر میں بدھ کی شام دیر گئے اس وقت سراسمگی پھیل گئی جب سوشل میڈیا وئب سائٹوں پر حریت گ چیرمین سید علی شاہ گیلانی کے انتقال کی خبریں گشت کرنے لگی ۔ سوشل میڈیا پر پھیلا ئی جانے والی افواہوں کے ساتھ ہی لوگ ایک دوسرے سے گیلانی کے صحت کے بار ے میں جانکاری حاصل کرنے لگی ۔پاکستانی زیر انتظام کشمیر سے شائع ہونے والے ایک بیان سوشل میڈیا پر ایک بیان وائرل ہوگیا جس میں گیلانی کی صحت لگاتار نازک ہونے پر تشویش کا اظہار کرتے ہوئے عوام سے سید علی گیلانی کی صحت کے لیے دعائیں کرنے کی اپیل کی گئی ۔جبکہ حریت کانفرنس کی طرف سے جاری بیان میں سیدعبداللہ گیلانی نے سید علی گیلانی کے انتقال پر ان کے جنازے پر عوام الناس کی آمد کے پیش نظر رہنمائی کے لئے نقشہ اور روڈ پلان بھی پیش کیا۔سوشل میڈیا پر بیان وائرل ہونے کے بعد ہی وادی کشمیر میں اضطرابی کیفیت پید ا ہو گئی تاہم اسی دوران جونہی سید علی شاہ گیلانی کے فرزند سید نسیم گیلانی سے رابطہ کیا گیا تو انہوں نے تمام افواہوں کو بے بنیاد قرار دیا ۔ نسیم گیلانی کا کہنا تھا کہ ان کے والد کی صحت گزشتہ 6 مہینے سے کافی خراب ہوتی جا رہی ہے۔ وہ کافی کمزور ہیں لیکن ابھی باحیات ہیں۔ان کا مزید کہنا تھا کہ حال ہی میں وہ انسٹی ٹیوٹ آف میڈیکل سائنسز صورہ میں سینے کی تکلیف کی وجہ سے داخل کیے گئے تھے۔اسی دوران صوبائی کمشنر کشمری بصیر احمد خان نے کہا کہ گیلانی کی صحت کے بارے میں افواہیں پھیلانے کی کوشش کی جاری ہے۔ ان کی صحت کی صورتحال کے بارے میں جو افواہیں پھیلائی جارہی ہیں وہ سب بے بنیاد ہیں۔انہوں نے مزید کہا کہ ہم نے ان کے اہل خانہ سے بات کی ہے اور اس بات کی تصدیق کی ہے کہ وہ بالکل ٹھیک ہیں۔ افواہ پھلانے والوں کے خلاف کارروائی کی جائے گی۔ایس کے آئی ایم ایس کے ڈائریکٹر ڈاکٹر جی این آہنگر نے کہا کہ میں لوگوں سے اپیل کرتا ہوں کہ وہ شیر کشمیر انسٹی ٹیوٹ آف میڈیکل سائنسز (ایس کے آئی ایم ایس) سے گیلانی کی صحت سے متعلق کسی بھی طرح کی معلومات کی تصدیق کریں۔ساوتھ ایشین وائر کے مطابق انہوں نے کہا کہ میں نے ماہر ڈاکٹروں کی ایک ٹیم کو سید علی شاہ گیلانی کے گھر بھیجا تھا۔ مکمل چیک اپ کیا گیا تھا۔ ایک روز قبل ان کی طبیعت کچھ ٹھیک نہیں تھی لیکن آج ان کی طبیعت بہتر ہے اور ان کی دیکھ بھال بہترین انداز میں کی جا رہی ہے۔اسی دوران وادی کشمیر میں افواہوں کے چلتے جمعرات کی بعد دوپہر تک انٹر نیٹ خدمات معطل رہی تاہم بعد میں دوبارہ بحال کی گئی ۔