انتظامیہ نے خورشید عالم اور عرفان شاہ کو بھی رہا کیا

سرینگر10 فروری//یو پی آئی // انتظامیہ نے مزید دونظر بند لیڈران کی رہائی عمل میں لائی تاہم بعد میں دونوں کو گھروں میں نظر کیا گیا۔ خبر رساں ایجنسی یو پی آئی کے مطابق سوموار کے روز انتظامیہ نے ایم ایل اے ہوسٹل میں نظر بند نیشنل کانفرنس کے سینئر لیڈر اور سابق ممبر اسمبلی بٹہ مالو عرفان شاہ اور پی ڈی پی لیڈر خورشید عالم کی رہائی عمل میں لائی ۔ پولیس ذرائع نے اسکی تصدیق کرتے ہوئے بتایا کہ عرفان شاہ اور خورشید عالم کو رہا کیا گیا تاہم دونوں گھراوں میں نظر بند رہیں گے۔ بتادیں کہ ایم ایل اے ہوسٹل میں فی الوقت دس سے بھی کم لیڈران نظر بند ہے اور انتظامیہ کی جانب سے آنے والے دنوں کے دوران اُنہیں بھی رہا کیا جارہا ہے۔ واضح رہے کہ پانچ اگست کے بعد جموںوکشمیر انتظامیہ نے نیشنل کانفرنس ، پی ڈی پی اور کانگریس سے وابستہ سابق ممبران اسمبلی اور ممبران پارلیمنٹ کو نظر بند کیا۔ انتظامیہ کا کہنا تھا کہ احتیاطی طورپر لیڈران کو نظر بند رکھا گیا ہے اور جونہی حالات معمول پر آئیں گے سبھی کو رہا کیا جائے گا۔ چونکہ اب حالات معمول پر آگئے ہیں لہذا انتظامیہ نے لگ بھگ سبھی لیڈران کی رہائی عمل میں لائی تاہم تین سابق وزرائے اعلیٰ اور سخت موقف رکھنے والے لیڈران پر پبلک سیفٹی ایکٹ عائد کیا گیا ہے جس کا مطلب یہ ہے کہ آنے والے چار ماہ تک وہ نظر بند ہی رہیں گے۔