واشنگٹن کی میئر نے ٹرمپ سے كام بندي ختم کرنے کی اپیل کی

واشنگٹن، 28 دسمبر: واشنگٹن ڈی سی کی میئر مُوريل باوزرنے امریکہ کے صدر ڈونلڈ ٹرمپ سے کانگریس میں ارکان پارلیمنٹ کے ساتھ تعاون کرنے اور امریکہ میں جزوی كام بندي ختم کرنے کی اپیل کی ہے۔
جزوی كام بندي سے امریکی دارالحکومت میں شہریوں اور کاروبار پر منفی اثر پڑ رہا ہے۔
محترمہ باوزر نے ٹوئٹر پر امریکی صدر کے نام لکھے گئے اپنے خط میں کہا کہ ’’واشنگٹن ڈی سی کے 7،02،000 شہریوں اور کاروباریوں کی طرف میں میں آپ سے اپیل کرتی ہوں کہ کانگریس ممبران پارلیمنٹ کے ساتھ تعاون کرتے ہوئے جزوی كام بندي کو ختم کریں۔اگر كام بندي طویل عرصے تک جاری رہی تو اس کا واشنگٹن ڈی سی کے شہریوں اور کاروبار پر شدید اثر پڑے گا۔
میئر نے اپنی اپیل میں یاد دلایا کہ موجودہ حکومت کے دوران گزشتہ ایک سال میں تیسری بار كام بندي ہوئی ہے۔ اس طرح کے حالات کسی کے لئے فائدہ مند نہیں ہیں۔ میئر نے کہا کہ واشنگٹن ڈی سی انتظامیہ جزوی كام بندي کے دوران بھی شہریوں کی بنیادی ضروریات کی تکمیل کے لئے کام کرتا رہے گا۔
واضح رہے امریکہ میں امریکی۔میکسیکو سرحد کی تجویز کے سلسلے میں سنیچر سے ہی جزوی كام بندي نافذ ہے۔ امریکی صدر امریکہ۔میکسیکو کی سرحد پر پانچ ارب ڈالر کی لاگت سے دیوار تعمیر کرنے کے لئے بجٹ پاس کروانا چاہتے ہیں جبکہ ڈیموکریٹک پارٹی کے ممبران اس کی مخالفت کر رہے ہیں۔