آری پل ترال میں فورسز اور جنگجوؤں کے درمیان جھڑپ کا آغاز

جنوبی قصبہ ترال کے آری پل علاقے میں کارڈن اینڈ سرچ آپر یشن کے بعد فورسز اور جنگجوؤں کے مابین جھڑپ شروع ہوئی ۔اطلاعات کے مطابق جنگجوؤں کی موجودگی کی مصدقہ اطلاع ملنے کے بعد فوج و فورسز اور ایس او جی ترال نے آر ی پل ترال کے ڈار گنائی علاقے کو محاصرے میں لیکر تلاشی کارروائی شروع کی ۔معلوم ہوا ہے کہ تلاشی کارورائی کے دوران علاقے میں چھپے بیٹھے جنگجوؤں نے فورسز پر فائرنگ کی جس کے ساتھ ہی با ضابطہ طور جھڑپ کا آغاز ہو ا۔ علاقے کو سیل کرکے جنگجوؤں کے فرار ہونے کے تمام راستے بند کئے گئے جبکہ فورسز کی مزید کمک طلب کی گئی ہے ۔آخری اطلاعات ملنے تک علاقے میں دو بد و جھڑپ جاری ہے ۔ مزید تفصیلات کا انتظار