کاکا پورہ پلوامہ محاصرے کے دوران اُبل پڑا

پلوامہ :جنوبی ضلع پلوامہ کے کاکا پورہ علاقے میں اس وقت تشدد بھڑک اٹھا جب محاصرے کے دوران فورسز اور مشتعل مظاہرین میں پُر تشدد جھڑپیں ہوئی ۔جس دوران مظاہرین کو منتشر کرنے کیلئے فورسز نے ٹیر گیس شلنگ او پیلٹ فائرنگ کی ۔جس دوران ایک نوجوان زخمی ہو گیا ۔

سوموارکے بعد دوپہرکاکا پورہ پلوامہ کے کسری گام علاقے میں جنگجوﺅں کی موجودگی کی ایک مصدقہ اطلاع ملنے کے بعد فوج ، سی آر پی ایف اور ایس او جی پلوامہ نے علاقے کو محاصرہ میں لیا اور تلاشی کارروائی شروع کی ۔ ذرائع سے معلوم ہوا ہے کہ جونہی فورسز نے علاقے میں تلاشی کارروائی شروع کی تو وہاں نوجوانوں کی ٹولیوں نے سڑکوں پر نکل کر احتجاجی مظاہرے شروع کئے جس دوران انہوں نے اسلام و آزادی کے حق میں نعرہ بازی کی ۔معلوم ہوا ہے کہ جونہی احتجاجی نوجوانوں نے جنگجو مخالف آپریشن میں رخنہ ڈالنے کی کوشش کی تو وہاں فورسز نے ان کا تعاقب کیا جس دوران وہ مشتعل ہوئے اور انہوں نے فورسز پر سنگبازی کی۔

ذرائع سے معلوم ہوا ہے کہ اسی دوران فورسز کی مزید کمک علاقے کی طرف روانہ کی گئی جس دوران انہوں نے پورے گاﺅں کا سیل کر دیا گیا جبکہ مشتعل مظاہرین کو منتشر کرنے کیلئے طاقت کا استعمال کیا ۔معلوم ہوا ہے کہ اسی دوران احتجاجی مظاہرین مزید مشتعل ہوئے اور تشدد پر اتر آئے جس دوران تشدد پر اتر آئی بھیڑ کو منتشر کرنے کیلئے فورسز نے ٹیر گیس شلنگ کے علاوہ پیلٹ چلائے جبکہ ہوا میں بھی گولیاں چلائی ۔

بتایا جاتا ہے کہ ٹیر گیس شلنگ اور پیلٹ فائرنگ کے نتیجے میںنوجوان زخمی ہو گیا جس کو علاج و معالجہ کیلئے سرینگر منتقل کیا گیا ۔ ضلع پولیس کے ایک افسر نے اس کی تصدیق کرتے ہوئے بتایا کہ علاقے میں جنگجوﺅں کی موجودگی کے بعد علاقے کو محاصرے میںلیا گیا جس دوران کچھ افراد نے آپریشن میں رخنہ ڈالنے کی کوشش کی جس دوران فورسز کو طاقت کا استعمال کرنا پڑا تاہم انہوں نے کسی کے زخمی سے متعلق کچھ بھی کہنے سے صاف انکار کیا ۔ (سی این آئی)