یوم آزادی کی تقریب کے سلسلے میں فل ڈرس ریہرسل

سرینگر: گرمائی راجدھانی سرینگر سمیت وادی کے تمام ضلع صدر مقامات پر 15اگست کی مناسبت سے فُل ڈریس رہر سل کا اہتمام کیاگیا جبکہ ضلع ترقیاتی کمشنروں نے ’ترنگا ‘لہرانے کے بعد مارچ پاسٹ پر سلامی لی۔کرنٹ نیوز آف انڈیا کے مطابق سرینگر اور وادی کے دوسرے ضلع مقامات پر 15اگست 2015کو یومِ آزادی کی تقریبات منانے کے سلسلے میں یہاں شیر کشمیر سٹیڈیم سرینگر اور دوسرے ضلع صدر مقات اور تحصیل مقامات پر بھی فُل ڈریس رہر سل کا اہتمام کیا گیا۔

ڈویثر نل کمشنر کشمیر بصیر احمد خان نے اس سلسلے میں سٹیڈیم میں فُل ڈریس رہر سل کا خو د تمام پروگراموں کی تیاریوں کا جائزہ لیا اور تقریب کامعائینہ کیااور تقریب پر قومی پرچم لہرانے کی رسم انجام دی اور پریڈ پر سلامی لی۔ تقریب میں جموں وکشمیر پولیس،آئی آر پی، سی آر پی ایف ،این سی سی ،فائر اینڈ ایمر جنسی سروسز ،فارسٹ پروٹکشن فورس،جے کے آکزلری پولیس اور مختلف تعلیمی اداروں کے طلباءو طالبات نے حصہ لیا۔ تقریب میں یومِ آزادی منانے کے سلسلے میں ترتیب دئے گئے تمام پروگراموں کا بھی جائزہ لیا گیا ۔

اسی طرح وادی کے دوسرے ضلع صدر مقامات پر بھی یومِ آزادی منانے کے سلسلے میں فُل رہر سل کا بھی اہتمام کیا گیا۔جہاں پر تمام اضلاع کے ترقیاتی کمشنروں نے قومی جھنڈا لہرا کر پریڈ پر سلامی لی۔اس موقعہ پر جموں وکشمیرپولیس کے سینئر حکام کے علاوہ نیم فوجی حکام بھی موجود تھے۔دریں اثنا ضلع اننت ناگ میں بھی گورنمنٹ ڈگری کالج میں فُل رہرسل کا اہتمام کیا گیا۔ اس موقعہ پر ترتیب دئے گئے تمام پروگراموں کا جائزہ لیا گیا۔اس موقعہ پر ضلع ترقیاتی کمشنر اننت ناگ نے قومی پرچم لہرا کر پریڈ پر سلامی لی۔

رہرسل کے موقعہ پر جے کے پولیس ،سی آر پی ایف، فائر اینڈ ایمرجنسی سروسز ،سیول ڈیفنس اور ضلع کے مختلف تعلیمی اداروں سے تعلق رکھنے والے طلباءوطالبات نے مارچ پاسٹ میں حصہ لیا۔ضلع کولگام میں بھی گورنمنٹ ڈگری کالج میں فُل ڈریس رہرسل کا بھی اہتمام کیا گیا۔اس موقعہ پر ضلع ترقیاتی کمشنر کولگام نے قومی پرچم لہرانے کی رسم انجام دیکر پریڈ پر سلامی لی۔اس موقعہ پر جموں وکشمیر پولیس،سی آر پی ایف،جے کے آرمڈ پولیس ،ہوم گارڈ اور مختلف سکولوں کے طلباءو طالبات کے دستوں نے مارچ پاسٹ میں حصہ لیا۔

پلوامہ میں بھی ڈسڑکٹ پولیس لائنز میں فُل ڈریس رہرسل کا اہتمام کیا گیا ۔جہاں ایڈیشنل ضلع ترقیاتی کمشنر پلومہ نے قومی جھنڈا لہرا کر پریڈ پر سلامی لی۔اس موقعہ پر جموں کشمیر پولیس ،سی آر پی ایف،فائر اینڈ ایمرجنسی سروسز کے علاوہ سکولی طلباءو طالبات کے دستوں نے مارچ پاسٹ میں حصہ لیا۔اسی طرح ضلع شوپیاں میں سپورٹس سٹیڈیم میں ضلع ترقیاتی کمشنر شوپیان نے قومی جھنڈا لہراکر پریڈ پر سلامی لی۔مارچ پاسٹ میں جے کے پولیس،سی آر پی ایف،فائر اینڈ ایمر جنسی سروسز،ہوم گارڈ کے علاوہ سکولی بچوں نے حصہ لیا۔وادی کے شمالی اضلاع میں بھی یومِ آزادی منانے کے سلسلے میں فُل ڈریس رہر سل کا انعقاد کیا گیا ۔

اس سلسلے میں ضلع بارہمولہ میں بھی ایک فُل ڈریس رہر سل کا اہتمام کیا گیا۔اور ترتیب دئے گئے تمام پروگراموں کا مشاہدہ کیا گیا۔اس موقعہ پر ضلع ترقیاتی کمشنر نے جھنڈا لہرا کر پریڈ پر سلامی لی۔پریڈ میں جے کے پولیس،سی آر پی ایف،این سی سی ،فائر اینڈ ایمرجنسی سروسز اور مختلف سکولوں کے طلباءو طالبات نے مارچ پاسٹ میں حصہ لیا۔ضلع کپوارہ کے پولیس لائنز میں یومِ آزادی منانے کے سلسلے میں فُل ڈریس رہرسل کے موقعہ پر ضلع ترقیاتی کمشنر نے قومی جھنڈا لہرا کر پریڈ پر سلامی لی۔اس موقعہ پر جموں وکشمیر پولیس،سی آر پی ایف، اور سکولی طلباءکے مختلف دستوں نے مارچ پاسٹ میں حصہ لیا۔اس سلسلے میں تمام ترتیب دئے گئے پروگراموں کا بھی جائزہ لیا گیا۔ضلع بانڈی پورہ میں بھی سپو رٹس سٹیڈیم میں ضلع ترقیاتی کمشنر نے یومِ آزادی منانے کے سلسلے میںفُل ڈریس رہرسل کے موقعہ پر قومی جھنڈا لہرا کرپریڈ پر سلامی لی ۔