ریاستی انتظامی کونسل کی میٹنگ ،پنچائتی راج ایکٹ میں ترامیم کو منظوری

سرینگر:: گورنر این این ووہرا کی صدارت میںکل شام منعقدہ ریاستی انتظامی کونسل کی میٹنگ میں پہلی جے اینڈ کے ٹریڈ اینڈ ایکسپورٹ پالیسی2018-28 کو منظوری دی گئی۔
اس پالیسی میں جموں وکشمیر کو بحیثیت ایگریرین اقتصادیات کے اجاگر کیا گیا ہے۔ اس کا مقصد یہ ہے کہ ریاست کی اقتصادیات کو دوام بخشا جاسکے۔
اس کی بدولت قومی اور بین الاقوامی سطحوں پر وضع کئے گئے ٹریڈنگ نظام میں شرکت کو یقینی بنایا جاسکے گا اور عالمی سطح کے آزادانہ مارکیٹ میں موجود مواقعوں سے استفادہ حاصل کیا جائے گا۔پالیسی دس سال کے لئے جاری رہے گی یا جب تک نہ نئی ایکسپورٹ پالیسی کا اعلان کیا جائے گا۔
گورنر این این ووہرا کی صدارت میںکل شام منعقدہ ریاستی انتظامی کونسل کی میٹنگ منعقد ہوئی جس میں نوشہرہ سرینگر میں جموں وکشمیر انڈسٹریز ریزیڈنشل سرائے میں موجود اراضی کے ایک ٹکڑے کی بجلی محکمہ کو منتقلی کو منظوری دی گئی تا کہ وہاں100 ایم وی اے گرڈ سٹیشن قائم کیا جاسکے۔
اس گرڈ سٹیشن کے قیام سے ڈاو ¿ن ٹاو ¿ن سرینگر کے لوگوں کو بجلی کی بہتر سہولیات دستیاب ہوں گی۔اس گرڈ سٹیشن کو قائم کرنا شہر سرینگر کے لوگوں کی ایک دیرینہ مانگ تھی۔
گورنر این این ووہرا کی صدارت میںکل شام منعقدہ ریاستی انتظامی کونسل کی میٹنگ میں ریاست کے ٹرانسپورٹروں اور گاڑی مالکان کو فوری ریلیف دیتے ہوئے مسافر گاڑیوں کے کرایے کا جائیزہ لینے کومنظوری دی گئی۔
یہ فیصلہ ایندھن کی قیمتوں میں اضافے اور دیگر اخراجات کے تناظر میں لیا گیا ہے۔
اس حوالے سے ایم وی ڈی محکمہ نے اپریل2018 میں ایندھن کی قیمتوں اور دیگر چیزوں کے خرچے کا جائیزہ لے کر ایک منصوبہ ٹرانسپورٹ محکمہ کو بھیج دیا ہے۔
محکمہ نے کرایہ کا جائیزہ لینے کے لئے قائم کی گئی کمیٹی کی میٹنگ بھی طلب کی جس میں مختلف ٹرانسپورٹ انجمنوں اور یونینوں کے نمائندوں نے شرکت کی ےا کہ اضافے کے خدو خال کو سامنے لایا جاسکے۔
گورنر این این ووہرا کی صدارت میںکل شام منعقدہ ریاستی انتظامی کونسل کی میٹنگ منعقد ہوئی جس میں پنچائتی راج ایکٹ1989 میں ترامیم کو منظوری دی گئی تا کہ پنچائتوں کے لئے ترقیاتی منصوبہ تیار کرنے سے پہلے حلقہ مجلس کے ساتھ مشاورت کو یقینی بنایا جاسکے۔
یہ فیصلہ لوگوں کو زیادہ اختیارات دینے کے سلسلے میں ایک قدم ہے اور اس کی بدولت مختلف علاقوں میں عملائی جارہی سرگرمیوں کے حوالے سے فیصلے لینے کے لئے لوگوں کو با اختیار بنایا جاسکے گا۔
ریاست میں پنچائتی انتخابات کے جلد انعقاد کو یقینی بنانے کے حوالے سے ریاستی انتظامی کونسل نے محکمہ آر ڈی اینڈ پی آر کی طرف سے تجویز کی گئی ترمیم کو بھی منظوری دی تا کہ پنچائت میں پنچوں کی کم سے کم یا زیادہ سے زیادہ تعداد سے سرپنچ کو باہر رکھا جاسکے۔علاوہ ازیں پنچائتوں کی حد بندی کا نیا عمل ہاتھ میں نہ لینا پڑے۔