جھلسادینے والے گرمی میں لوگ بنیادی سہولیات سے محروم

شہر سرینگر سمیت وادی کے مختلف علاقوں میں برقی رو اور پانی نایاب

سرینگر/21جولائی: وادی میں جھلسادینے والی گرمی کے بیچ شہر سرینگر اور وادی کے دیگر اضلاع کے مختلف علاقوں میں پینے کے صاف پانی اور بجلی کی عدم دستیابی کی وجہ سے لوگوں کو شدید پریشانیوں کا سامنا کرنا پڑرہا ہے ۔ کرنٹ نیوز آف انڈیا کے مطابق وادی میں جھلسادینے والی گرمی کی وجہ سے جہاں لوگوں کو شدید پریشانیوں کا سامنا کرنا پڑرہاہے وہیں پر شہر سرینگر اور وادی کے دیگر قصبہ جات کے مختلف علاقوں نے لوگوں نے شکایت کی ہے کہ انہیں پینے کے صاف پانی اور بجلی کی غیر متوقع کٹوتی سے کافی پریشانیویوں کاسامناکرنا پڑرہا ہے ۔ سرینگر کے شہر خاص راجوری کدل، بہوری کدل ، بہاؤ لدین صاحب نوہٹہ، رعناوار ی کے جوگی لنکر علاقوں کے لوگوں نے شکایت کی ہے کہ مذکورہ علاقوں میں غیر متوقع طور پر برقی روک چلی جاتی ہے اور ایک گھنٹے تک وقفہ رکھا جاتا ہے جس کے نیتجے میں انہیں شدید مشکلات کا سامنا ہے جبکہ پینے کے صاف پانی کی سپلائی بھی بیچ بیچ میں منقطع رکھی جاتی ہے ۔ لوگوں کے مطابق گرمیوں کے ان دنوں میں پانی کی عدم دستیابی سے کافی مشکلات کا سامنا کرنا پڑتا ہے ۔ ادھر سرینگرکے سیول لائنز علاقوں جن میں کرالہ کھڈ، گاؤکدل ، مندر باغ ، رام باغ ،بٹہ مالوں کے کئی علاقوں کے علاوہ سوپور کے مختلف علاقوں سے بھی لوگوں نے شکایت کی ہے کہ انہیں بجلی کی عدم دستیابی کا سامنا ہے ۔اس دوران سرحدی ضلع کپوارہ کے لولاب کے مختلف دیہات جن میں شمناگ، درد پورہ، ورنو وارسن ،منز گام و دیگر دیہات شامل ہیں پینے کے صاف پانی کی عدم دستیابی کی وجہ سے لوگ پریشان ہے۔