دفعہ 370 کی منسوخی کی ساتویں برسی کے موقع پر بدھ کے روز سرینگر شہر میں احتجاجی مظاہروں کو روکنے کے لیے سخت حفاظتی انتظامات کیے گئے ہیں۔
حکام کے مطابق نیشنل کانفرنس (این سی) اور پیپلز ڈیموکریٹک پارٹی (پی ڈی پی) نے 5 اگست 2019 کو مرکز کی جانب سے آئین کی دفعہ 370 کو منسوخ کرنے کے خلاف احتجاج کی کال دی ہے۔ آرٹیکل 370 کے تحت جموں و کشمیر کو خصوصی آئینی حیثیت حاصل تھی۔
حکام نے بتایا کہ سرینگر میں بڑی تعداد میں سکیورٹی فورسز کو تعینات کیا گیا ہے، بالخصوص لال چوک اور شہر کے مرکزی علاقوں میں سکیورٹی سخت کر دی گئی ہے۔
احتیاطی اقدام کے طور پر این سی اور پی ڈی پی کے سری نگر میں واقع پارٹی ہیڈکوارٹرز کی جانب جانے والی سڑکوں کو بھی بند کر دیا گیا ہے۔
