گھریلو جھگڑوں سے تنگ آکر اپنی زندگیوں کا خاتمہ کیا
سرینگر؍05؍مئی؍ ؍ ہلمت پورہ کپواڑہ میں اُس وقت صفہ ماتم بچھ گئی جب ماں بیٹی کی نعشیں نالہ سے برآمد کی گئیں۔ معلوم ہوا ہے کہ گھریلو جھگڑوں سے تنگ آکر ماں بیٹی نے اپنی زندگیوں کا خاتمہ کیا ۔ جے کے این ایس کے مطابق ہلمت پورہ کپواڑہ میں نالہ سے ماں بیٹی کی نعشیں برآمد ہوئیں۔ ذرائع نے بتایا کہ کل شام ماں بیٹی نے گھریلو جھگڑوں سے تنگ آکر نالہ میں چھلانگ لگائی جس کے نتیجے میں دونوں غرقہ آب ہوئیں ۔ نعشوں کو تحویل میں لے کر پولیس نے قانونی لوازمات پورے کرنے کے بعد انہیں لواحقین کے سپرد کیا۔ پولیس کے ایک آفیسر کا کہنا تھا کہ اس سلسلے میں کیس درج کرکے تحقیقات شروع کی گئی ہے اور پوسٹ مارٹم رپورٹ موصول ہونے کے بعد ہی موت کی وجوہات کے بارے میں وثوق کے ساتھ کچھ کہا جاسکتا ہے۔
Comments are closed.