جموں و کشمیر میں بغیر لائسنس کے ریپیڈو آپریٹنگ، کارروائی کا حکم دیا گیا / ٹرانسپورٹ کمشنر

جموں و کشمیر کے ٹرانسپورٹ کمشنر ویشیش مہاجن نے اتوار کو کہا کہ بائیک ٹیکسی سروس ”ریپیڈو“بغیر کسی جائز لائسنس کے مرکزی زیر انتظام علاقے میں چل رہی ہے اور خبردار کیا کہ سروس استعمال کرنے والے یا اس میں حصہ لینے والے اپنے خطرے پر ایسا کر رہے ہیں۔

ایکس پر ایک پوسٹ میں مہاجن نے کہا کہ ان کے دفتر کو جموں و کشمیر میں ریپیڈو کے آپریشن سے متعلق کئی شکایات موصول ہوئی ہیں۔ انہوں نے واضح کیا کہ کمپنی کو جموں کشمیر میں کام کرنے کی اجازت نہیں دی گئی ہے۔

انہوں نے لکھا ” کوئی بھی ادارہ جو سروس میں حصہ لے رہا ہے یا اسے استعمال کر رہا ہے وہ اپنے خطرے پر کر رہا ہے۔ “ انہوں نے مزید کہا کہ غیر قانونی سروس کے خلاف کارروائی شروع کرنے کے لیے متعلقہ افسران کو ہدایات جاری کر دی گئی ہیں۔