دہشت گردی کیس : سی آئی کے کی سنیٹرل جیل سرینگر میں تلاشی ، ڈیجیٹل آلات ضبط

جموں و کشمیر پولیس کے کاو¿نٹر انٹیلی جنس کشمیر (سی آئی کے) ونگ نے دہشت گردی سے منسلک ایک کیس کے سلسلے میں سنٹرل جیل سرینگر کی تلاشی لی اور ڈیجیٹل مواصلاتی آلات ضبط کیے

ایک اہلکار نے بتایا کہ یہ تلاشیاں 25 اپریل کو پولیس اسٹیشن سی آئی کشمیر میں ایف آئی آر نمبر 06/2023کے طور پر درج کیس میں این آئی اے ایکٹ کے تحت نامزد خصوصی عدالت کے جاری کردہ وارنٹ کے بعد کی گئیں۔

انہوں نے کہا کہ مقدمہ آئی پی سی کی دفعہ 153-A،505، 121 اور 120-Bکے ساتھ ساتھ غیر قانونی سرگرمیاں (روک تھام) ایکٹ کی دفعہ 13 اور 39 کے تحت درج کیا گیا ہے۔
انہوں نے مزید کہا کہ جیل کے احاطے کے اندر مشکوک ڈیجیٹل دستخطوں کی موجودگی کے بارے میں تکنیکی معلومات پر کارروائی کرتے ہوئے، جیل حکام کے ساتھ مل کر متعدد بیرکوں اور بلاکس میں تلاشی کی کارروائیاں کی گئیں۔

اہلکار نے بتایا کہ آپریشن کے دوران ڈیجیٹل کمیونیکیشن آلات اور دیگر مجرمانہ مواد برآمد کرکے ضبط کرلیا گیا۔

انہوں نے کہا کہ ضبط شدہ آلات کو ممکنہ روابط قائم کرنے اور کیس سے منسلک کسی بھی وسیع نیٹ ورک کی نشاندہی کرنے کے لیے فرانزک جانچ کے لیے بھیجا جائے گا، انہوں نے مزید کہا کہ یہ بھی انکوائری شروع کر دی گئی ہے کہ آلات کو ہائی سکیورٹی جیل کے اندر کیسے لایا گیا اور اس میں ملوث کسی سہولت کار کا کردار تھا۔

اہلکار نے کہا کہ یہ آپریشن جیلوں سمیت حساس اداروں میں مواصلاتی آلات کے غلط استعمال کو روکنے اور مرکز کے زیر انتظام علاقے میں دہشت گردی سے متعلق سرگرمیوں کی تحقیقات کے لیے جاری کوششوں کا حصہ ہے۔