بھارت 2036 تک کھیلوں کا ٹاپ 10 ملک اور سال 2047 تک ٹاپ 5 میں شامل ہوگا / مرکزی وزیر کھیل

بھارت سال 2036 تک کھیلوں کے 10 سب سے اوپر والے ممالک اور سال 2047 تک سب سے اوپر پانچ میں شامل ہو جائے گا کا اعلان کرتے ہوئے مرکزی وزیر کھیل منسکھ منڈاویہ نے کہا کہ ہماری حکومت نوجوانوں کو کھیلوں کے میدان میں کارکردگی کا مظاہرہ کرنے کا موقع فراہم کر رہی ہے ۔

وسطی ضلع بڈگام کے او مپورہ میں 30 بستروں پر مشتمل ایمپلائز اسٹیٹ انشورنس کارپوریشن اسپتال کا افتتاح کرنے کے بعد نامہ نگاروں سے بات کرتے ہوئے مرکزی وزیر کھیل منسکھ منڈاویہ نے کہا کہ بھارت سال 2036 تک کھیلوں کے 10 سب سے اوپر والے ممالک اور سال 2047 تک سب سے اوپر پانچ میں شامل ہو جائے گا

منڈاویہ نے نریندر مودی کی زیرقیادت حکومت کو کھیلوں کے نظم و نسق کو ہموار کرنے اور مزید منظم نظام بنانے کا سہرا دیا۔

انہوں نے کہا ” یہ (حکومت) نوجوانوں کو کھیلوں کے میدان میں کارکردگی کا مظاہرہ کرنے کا موقع فراہم کر رہی ہے۔ مجھے یقین ہے کہ آنے والے دنوں میں، اگلے دس سالوں میں 2036 تک، ہندوستان دنیا کے 10 بہترین کھیلوں کے ممالک میں شامل ہو جائے گا اور 2047 تک، ہندوستان سب سے اوپر پانچ کھیلوں کے ممالک میں ابھرے گا۔ “

وزیر نے مزید کہا کہ حکومت کی مسلسل کوششوں نے ملک بھر میں کھیلوں کے فریم ورک کو مضبوط کیا ہے۔