سوپور میں احتجاجی تشدد کے بعد چھ افراد پی ایس اے کے تحت گرفتار ، بھدروہ جیل منتقل

شمالی قصبہ سوپور میں حالیہ احتجاجی مظاہروں کے دورا ن تشدد میں ملوث چھ افراد پر پبلک سیفٹی ایکٹ عائد کرکے انہیں بھدرواہ جیل منتقل کیا گیا

تفصیلات کے مطابق سوپور میں پبلک سیفٹی ایکٹ کے تحت قصبے میں حالیہ احتجاج سے متعلق تشدد میں مبینہ طور پر ملوث ہونے کے الزام میں چھ افراد کو حراست میں لیا گیا ہے

حکام نے بتایا کہ تمام چھ نظربندوں کو ضلع جیل بھدرواہ منتقل کر دیا گیا ہے، جبکہ تشدد سے منسلک مزید لوگوں کی شناخت کی جا رہی ہے اور مزید کارروائی کا امکان ہے۔

انہوں نے کہا کہ مظاہرے ایک لیکچرر کے خلاف ہراساں کیے جانے کے الزامات کے سامنے آنے کے بعد شروع ہوئے، جس کے نتیجے میں مظاہرے بعد میں پرتشدد ہو گئے۔ انہوں نے کہا”پتھراو¿ کے واقعات اور سرکاری اور نجی املاک کو نقصان پہنچانے کے واقعات رپورٹ ہوئے، بشمول اسکول کی عمارتوں اور گاڑیوں کو نقصان پہنچانا۔ “

انہوں نے مزید کہا کہ متعدد گرفتاریاں پہلے ہی کی جا چکی ہیں جبکہ دیگر ملوث افراد کا سراغ لگانے کے لیے تحقیقات جاری ہیں۔