قومی تعلیمی پالیسی کے اقدامات وکست بھارت کی ضمانت /منوج سنہا

لیفٹنٹ گورنر منوج سنہا نے جموں کے نگروٹہ کے پنجگرین میں سوامی پرانوانند ودیامندر کی نئی اسکول عمارت کا افتتاح کیا۔ یہ اسکول بھارت سیواشرم سنگھا کے ذریعہ چلایا جاتا ہے، جو ایک معروف سماجی، ثقافتی اور انسان دوست تنظیم ہے۔

اس موقع پر ایک اجتماع سے خطاب کرتے ہوئے لیفٹنٹ گورنر منو ج سنہا نے کہا کہ نئی ہائر سیکنڈری عمارت اور سکل انفراسٹرکچر پسماندہ طلباءکو معیاری تعلیم کی فراہمی کو یقینی بنائے گا۔لیفٹنٹ گورنر سنہا نے کہا ” ایک بار عمارت کی تمام منزلیں مکمل ہونے کے بعد، یہ 1,500 سے زائد طلباءکی خدمت کرے گی، ہزاروں کی زندگیاں بدلیں گی۔ مستقبل میں 100 لڑکوں کیلئے رہائشی سہولیات کے ساتھ، مقامی معیشت کو فروغ ملے گا، پسماندہ علاقے تبدیل ہوں گے، اور معاشرہ نئے اعتماد کے ساتھ آگے بڑھے گا۔ “

اپنے خطاب میں سنہا نے طلباءاور اساتذہ سے مطالبہ کیا کہ وہ قوم سازی میں اپنا حصہ ڈالیں اور کلاس رومز کو آج کے بدلتے ہوئے عالمی منظر نامے کے مطابق ڈھالیں، جس سے ہندوستان کو دنیا کی معروف علمی معیشت کے طور پر جگہ ملے۔

منوج سنہا نے کہا ” ہمیں طلباءمیں ثقافتی بیداری کو مضبوط کرنا چاہیے، کیونکہ تنوع میں اتحاد عالمی معاشرے کی تعریف کرتا ہے۔ واضح اظہار کے لیے مواصلات کی مہارت کو فروغ دینا، نئی نسل کو زندگیوں کو بہتر بنانے، جمہوری اقدار کو برقرار رکھنے، اور خوشحال جموں و کشمیر کے لیے تعاون کو فروغ دینا۔ “۔ منوج سنہا نے مشاہدہ کیا کہ فن، دستکاری، موسیقی، یا کاروبار میں ہنر رکھنے والا ہر طالب علم یکساں احترام اور مواقع کا مستحق ہے۔