رام بن میں مرغ سے بھر ی ٹرک کھائی میں جاگری ، ڈرائیور از جاں ، کنڈیکٹر زخمی

جموں سرینگر شاہراہ پر رام بن میں جمعرات کی رات دیر گئے مرغ سے بھری گاڑی گہری کھائی میں گرنے سے ٹرک ڈرائیور کی جان چلی گئی جبکہ ایک اور شخص زخمی ہو گیا۔

حکام نے بتایا کہ یہ حادثہ ضلع میں سڑک کے ایک پہاڑی حصے پر اس وقت پیش آیا جب ٹرک، مبینہ طور پر مرغیوں کو لے کر جا رہا تھا، سڑک سے پھسل کر کھائی میں جا گرا۔ پولیس کا کہنا ہے کہ ڈرائیور گاڑی سے کنٹرول کھو بیٹھا، تاہم حادثے کی اصل وجہ کا ابھی تک پتہ نہیں چل سکا ہے۔
انہوںنے کہا کہ حادثہ پیش آنے کے ساتھ ہی ریسکیو ٹیموں نے مقامی لوگوں کی مدد سے فوری کارروائی شروع کی اور تباہ شدہ گاڑی سے مسافروں کو نکال لیا۔ گرنے میں زخمی ہونے کی وجہ سے ڈرائیور کو جائے وقوعہ پر ہی مردہ قرار دے دیا گیا۔جبکہ ٹرک کے کنڈیکٹر کو علاج کیلئے قریبی اسپتال منتقل کر دیا گیا۔ اس کی حالت طبی نگرانی میں بتائی جاتی ہے۔

پولیس کے ایک سنیئر عہدیدار نے اس کی تصدیق کرتے ہوئے بتایا کہ معاملے کی نسبت کیس درج کرکے تحقیقات شروع کردی گئی ہے ۔