مرکزی وزیرِ صحت وگیان بھون میں ایڈس کے عالمی دن 2025 کی قومی سطح کی تقریب کی قیادت کریں گے

مرکزی وزیرِ صحت و خاندانی فلاح جناب جگت پرکاش نڈا یکم دسمبر 2025 کو نئی دہلی کے وگیان بھون میں عالمی ایڈز دن 2025 کی قومی سطح کی تقریب کی قیادت کریں گے۔ اس موقع پر سینئر حکام جن میں سیکریٹری، وزارتِ صحت و خاندانی فلاح، ایڈیشنل سکریٹری و ڈائریکٹر جنرل این اے سی او اور ڈائریکٹر جنرل آف ہیلتھ سروسز شامل ہیں موجود ہوں گے، جو ایچ آئی وی کی روک تھام، علاج، نگہداشت اور بدنامی کے خاتمے کے لیے حکومتِ ہند کے اٹل عزم کی تجدید کریں گے۔

یہ پروگرام نیشنل ایڈز کنٹرول آرگنائزیشن (این اے سی او) کے زیرِ اہتمام منعقد کیا جا رہا ہے جو سرکاری رہنماؤں، ترقیاتی شراکت داروں، نوجوان نمائندوں، سماجی نمائندوں، ایچ آئی وی کے ساتھ زندگی گزارنے والے افراد (پی ایل ایچ آئی وی) اور صفِ اوّل کے صحت کارکنوں کو ایک جگہ جمع کرے گا، جو ایڈز کو عوامی صحت کے بڑے خطرے کے طور پر ختم کرنے کے لیے بھارت کی کوششوں میں یکجہتی کی علامت ہے۔

تقریب کا آغاز نوجوانوں کی قیادت میں ایک فلیش پرفارمنس سے ہوگا، جو آگاہی اور ذمہ دارانہ رویّے کی اہمیت کو اجاگر کرے گا۔ اس کے بعد ایک موضوعاتی نمائش کا افتتاح کیا جائے گا، جس میں ڈیجیٹل اختراعات، پروگرام کی کامیابیاں اور نیشنل ایڈز اور ایس ٹی ڈی کنٹرول پروگرام کے تحت نافذ کیے گئے کمیونٹی کی قیادت والے ماڈلز پیش کیے جائیں گے۔ مستفید ہونے والوں کے تجربات اور ایک آڈیو ویژول پریزنٹیشن کے ذریعے این اے سی پی-وی کے تحت بھارت کی پیش رفت اور آئندہ ترجیحات کو نمایاں کیا جائے