سری نگر/12 اکتوبر
چیف سیکر ٹری اَتل ڈولو نے آج ایک میٹنگ کی صدارت کی جس میں جموں و کشمیر میں جی ایس ٹی 2.0 اِصلاحات کی عمل آوری کا تفصیلی جائزہ لیا گیا۔
اِن اِصلاحات کا مقصد ٹیکس کی شرحوں میں کمی سے حاصل ہونے والے فوائد بالخصوص زِندگی بچانے والی اَدویات اور ضروری اشیا¿ پر براہِ راست صارفین تک پہنچانا ہے تاکہ اشیا¿ کی قیمتوں میں کمی اور عوامی بچت میں اِضافہ یقینی بنایا جا سکے۔
میٹنگ میں پرنسپل سیکرٹری فائنانس ، کمشنر سیکرٹری خوراک ، شہری رسدات اور اَمورِ صارفین، سیکرٹری صحت، کمشنر سٹیٹ ٹیکسز، سیکرٹری صنعت و حرفت ، ڈائریکٹر صنعت و حرفت کشمیروجموں اور دیگر سینئر اَفسران نے شرکت کی۔
دوران میٹنگ چیف سیکرٹری نے سٹیٹ ٹیکسز، لیگل میٹرالوجی،صنعت و حرفت اور ڈرگ اینڈ فوڈ کنٹرول آرگنائزیشن (ڈِی ایف سی او) کی طرف سے کی جا رہی عمل آوری اور نگرانی کی سرگرمیوں کا جائزہ لیا۔ اُنہوں نے مارکیٹ میں سخت معائینوں اور عوامی بیداری مہمات کی ضرورت پر زور دیا تاکہ ٹیکس میں کمی کے فوائد صارفین تک پہنچیں اور تاجروں کی ناجائز منافع خوری سے بچا جا سکے۔
اُنہوں نے کہا کہ جی ایس ٹی 2.0 اِصلاحات کا بنیادی مقصدمنافع خوری کے خلاف فریم ورک کو مضبوط بنانا، گھریلو بچت میں اِضافہ کرنا اور صحت و ضروری اشیا¿ کولوگوںکے لئے مزید قابلِ برداشت بنانا ہے۔ اُنہوں نے اس بات کا اعادہ کیا کہ یہ ہماری اوّلین ذِمہ داری ہے کہ ان مقاصد کو ہر حال میں پورا کیا جائے۔
پرنسپل سیکرٹری فائنانس سنتوش دی ویدیا نے میٹنگ کو جانکاری دی کہ 3 ستمبر 2025ءکو منعقدہ 56ویں جی ایس ٹی کونسل میٹنگ کی سفارشات کے بعد نئی جی ایس ٹی شرحیں 22 ستمبر 2025ءسے لاگو ہوئیں۔
اُنہوں نے مزید بتایا کہ جے اینڈ کے نظر ثانی شدہ ٹیکس کی شرحوں کو فعال کرنے کے لئے جے اینڈ کے جی ایس ٹی ایکٹ کے تحت فوری طور پر نو متعلقہ نوٹیفیکیشن جاری کئے ہیں۔ ان اقدامات کا مقصد مینوفیکچررز کو اپنی زیادہ سے زیادہ ایم آر پی قیمتیں ازسرِ نو مقرر کرنے کا پابند بنانا تھا تاکہ منافع خوری مخالف دفعات پر مو¿ثر عمل درآمد ہو۔
میٹنگ کومزید بتایا گیا کہ عمل آوری اور بیداری کے لئے ایک جامع مہم شروع کی گئی ہے جس میں سٹیٹ ٹیکسز، لیگل میٹرالوجی اور صنعت و حرفت محکموں کی مربوط کوششیں شامل ہیں۔
کمشنر سیکرٹری خوراک ، شہری رسدات و اَمورِ صارفین سوربھ بھگت نے بتایا کہ لیگل میٹرالوجی ڈیپارٹمنٹ نے جموںوکشمیر یوٹی کے تمام اَضلاع میں 3,304 معائینے کئے تاکہ زائد قیمت وصولی روکی جا سکے اور پیک شدہ اشیاءکی درست قیمت یقینی بنائی جا سکے۔
اِس مہم کے دوران 135 خلاف ورزیوں کے کیس درج ہوئے جن میں سے 82 کیس موقعہ پر ہی نمٹائے گئے اور غلطی کے مرتکب تاجروں پر 11.84 لاکھ روپے کے جرمانے عائد کئے گئے۔
اِسی دوران سٹیٹ ٹیکسز ڈیپارٹمنٹ نے انوائس جاری نہ کرنے یا ٹیکس کی غلط ادائیگی جیسے معاملات میں 28 نوٹس جاری کئے جن میں کل 5.60 لاکھ روپے کے جرمانے تجویز کئے گئے۔
فوائد کی مو¿ثر ترسیل یقینی بنانے کے لئے مینوفیکچررز اور درآمد کنندگان کو ہدایت دی گئی ہے کہ وہ نئی قیمتوں کی فہرست اپنے ڈیلروںکو بھیجیں اور موجودہ سٹاک پر اپ ڈیٹیڈایم آر پی درج کریں۔
میٹنگ میںمزید بتایا گیا کہ لیگل میٹرالوجی ڈیپارٹمنٹ 411 کمپنیوں اور مینوفیکچررز کی جانب سے موصولہ نئی ایم آر پی فہرستوں پرعمل در آمد کی نگرانی کر رہا ہے تاکہ ٹیکس کمی کے فوائد صارفین تک یقینی طور پر پہنچ سکیں۔
حکومت نے عوامی بیداری کے لئے ایک وسیع مہم شروع کی ہے۔ اخبارات میں اِشتہارات اور عوامی نوٹس شائع کئے گئے ہیں جن میں فارما ٹریڈ سے وابستہ اَفراد اور دیگرشراکت داروں کو اپنے بِلنگ و اکاو¿نٹنگ سسٹم کو نظرثانی شدہ شرحوں کے مطابق اَپ ڈیٹ کرنے کی تاکید کی گئی ہے۔
اِسی ضمن میں سٹیٹ ٹیکسز کمشنر نے آکاشوانی (آل اِنڈیا ریڈیو) اور دُوردرشن پراِستفساری سیشن منعقد کئے تاکہ ٹیکس میں کمی کی نوعیت اور صارفین پر ان کے مثبت اثرات کی وضاحت کی جاسکے۔
لیگل میٹرالوجی ڈیپارٹمنٹ نے 150 صارفین کی بیداری کیمپوں کا اِنعقاد کیا اور ویاپر منڈلوں،صنعتی انجمنوں اور تجارتی اِداروں کے ساتھ باقاعدگی سے بات چیت کی تاکہ انہیں اِصلاحات کے بارے میں آگاہ کیا جا سکے۔
عوام اور شراکت داروں کی سہولیت کے لئے ہر ضلع میں جی ایس ٹی سویدھا کیندرفعا کئے گئے ہیں تاکہ نگرانی، عملدرآمد اور شکایات کے ازالے کو یقینی بنایا جا سکے۔
چیف سیکرٹری نے حکومت کے عزم کا اعادہ کرتے ہوئے کہا کہ چوکس نگرانی اور مربوط عمل درآمد کے ذریعے جی ایس ٹی 2.0 اِصلاحات کو کامیابی سے عملایا جائے گا تاکہ لوگوں پر مالی بوجھ کم ہو اور ضروری اشیا¿ و طبی سہولیات زیادہ قابلِ برداشت بن سکیں۔
Comments are closed.