سال رواں سے آٹھویں جماعت کے سالانہ امتحان ” ان ہاوس ‘، حکمنامہ جاری

جموں و کشمیر حکومت نے ایک نیا حکم نامہ جاری کیا ہے جس میں آٹھویں جماعت کے سالانہ امتحانات ” ان ہاوس “ پورے جموں کشمیر میں منعقد ہوں گے ۔

اس اقدام کا مقصدقومی تعلیمی پالیسی 2020کے مطابق تشخیص کو زیادہ قابلیت پر مبنی اور طلباءپر مرکوز کرنا ہے۔اس ضمن میں جاری ایک سرکاری حکمنامہ زیر نمبر JK-629(Edu)مورخہ 11 اکتوبر 2025 کے مطابق تمام سرکاری اور تسلیم شدہ پرائیویٹ اسکول کلسٹر یا کمپلیکس ہیڈز کی نگرانی میں کلاس 8 ویں کے اندرون خانہ سممیٹیو/سالانہ امتحانات کا انعقاد کریں گے۔

حکمنامہ کے مطابق نئے نظام میں باقاعدہ ابتدائی تشخیصات، کمزور طلبہ کے لیے تدارک کی تعلیم، اور ہر بچہ کامیابی کے ساتھ کلاس 9 تک پہنچنے کو یقینی بنانے کے لیے اضافی کوششیں شامل ہیں۔ ڈائٹس تمام طلباءکے ڈیٹا کو برقرار رکھے گا اور کلسٹر ہیڈوں کے ذریعے عمل درآمد کو مربوط کرے گا۔سکریٹری اسکول ایجوکیشن، رام نواس شرما کے ذریعہ جاری کردہ حکم نامہ کے مطابق اساتذہ کو قابلیت پر مبنی سوالیہ پرچوں، ہولیسٹک پروگریس کارڈز اور تشخیص کے طریقوں کی تربیت دینے کی ہدایت کرتا ہے۔

اسکول کے سربراہان ان علاقوں پر توجہ مرکوز کرتے ہوئے مشترکہ سوالیہ پرچے مرتب کریں گے جہاں پرکھ راشٹریہ سرویکشن 2024 کی رپورٹ میں اضلاع کی کارکردگی خراب رہی ہے۔ ڈائریکٹر سکول ایجوکیشن امتحانات کے شیڈولنگ اور مانیٹرنگ کی نگرانی کریں گے۔شیڈول کے مطابق سمر زونز میں 20 مارچ سے پہلے اور ونٹر زونز میں 25 اکتوبر سے پہلے نتائج کا اعلان کیا جائے گا جبکہ نئی کلاسز کا آغاز بالترتیب یکم اپریل اور یکم نومبر سے ہوگا۔حکومت نے اسکولوں کو یہ بھی ہدایت کی ہے کہ وہ باقاعدگی سے پیش رفت کے اشتراک اور بات چیت کے لیے والدین اساتذہ میٹنگوں کو مضبوط کریں۔