پونچھ میں نویں روز بھی تلاشی آپریشن جاری

پونچھ ضلع کے گرسائی علاقے میں ہفتے کو نویں روز بھی تلاشی آپریشن ہنوز جاری ہے۔

اطلاعات کے مطابق پونچھ کے گرسائی ، سنائی ٹاپ اور اس کے ملحقہ جنگلی علاقوں میں آٹھویں رو ز بھی ملی ٹینٹ مخالف آپریشن جاری رہا۔
ذرائع نے بتایا کہ سیکورٹی فورسز نے ایک وسیع الریض جنگلی علاقے کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
ذرائع کا کہنا ہے کہ سیکورٹی فورسز نے زائد از 20افراد کو حراست میں لے کر ان سے پوچھ تاچھ شروع کی ہے۔
دفاعی ذرائع نے بتایا کہ پونچھ کے گرسائی اور اس کے ملحقہ علاقوں میں اتوا کو نوین روز بھی تلاشی آپریشن جاری ہے۔
انہوں نے بتایا کہ پولیس ، فوج اور سی آر پی ایف نے ایک وسیع علاقے کو محاصرے میں لے کر تلاشی آپریشن شروع کیا ہے۔
انہوں نے مزید بتایا کہ جمعے کے روز گرسائی ٹاپ کے نزدیک سیکورٹی فورسز اور ملی ٹینٹوں کے مابین گولیوں کا تبادلہ بھی ہوا جس کے بعد سلامتی عملے نے مزید کئی علاقوں کوسیل کیا۔
ان کا مزید کہنا ہے کہ حملہ آوروں کو کیفر کردار تک پہنچانے کی خاطر ہیومن انٹیلی جنس اور جدید ٹیکنالوجی کو بھی بروئے کارلایا جارہا ہے۔
دفاعی ذرائع نے مزید بتایا کہ ڈرون کیمروں اور ہیلی کاپٹروں کے ذریعے جنگلی علاقوں پر نظر گزر رکھی جارہی ہیں۔