آج، ہندوستان ملی ٹنٹوں کا ڈوزیئر نہیں بھیجتا بلکہ دہشت گردوں کو گھر میں گھس مارتاہیں / وزیر اعظم مودی

سرینگر /30اپریل /

دہشت گردی سے نمٹنے کے بارے میں ملک کی حکومت کے نقطہ نظر میں کانگریس کے دور حکومت کے مقابلے میں بڑی تبدیلی دیکھی گئی ہے کا دعویٰ کرتے ہوئے وزیر اعظم نریندر مودی نے سخت الفاظ کا استعمال کرتے ہوئے کہا کہ آج ملک دہشت گردی پر ڈوزیئر نہیں بھیجتا بلکہ گھر میں گھس کر مار ڈالتا ہے ۔ کانگریس سمیت اپوزیشن جماعتوں کو جموں و کشمیر میں دفعہ 370 کو واپس لانے کا چیلنج دیتے ہوئے انہوں نے کہا کہ اگر وہ جموں و کشمیر کے وزیر اعلیٰ ہیں تو بھی وہ ایسا نہیں کر سکتے۔

مہاراشٹر کے لاتور میں ایک انتخابی ریلی سے خطاب کرتے ہوئے وزیر اعظم نریندر مودی نے کہا کہ کانگریس کے دور حکومت میں، خبروں کی سرخیاں تھیں کہ ہندوستان نے دہشت گردی کی سرگرمیوں کے بارے میں ایک اور ڈوزیئر پاکستان کو سونپا ہے۔ میڈیا میں ہمارے کچھ دوست تالیاں بجاتے تھے جب اس طرح کا کوئی ڈوزیئر بھیجا جاتا تھا۔ انہوں نے کہا ”آج، ہندوستان ڈوزیئر نہیں بھیجتا ہے۔ آج بھارت گھر میں گھس کے مارتا ہے “ ۔ وزیر اعظم مودی نے یہ بھی دعویٰ کیا کہ انڈیا بلاک ایک ’فارمولہ‘ لے کر آیا ہے جس کے تحت اپوزیشن اتحاد میں شامل پارٹیاں اقتدار میں آنے کی صورت میں ایک ایک سال کے لیے وزیر اعظم کا عہدہ حاصل کریں گی۔مودی نے کہا کہ ایسے نظام سے ملک کی بھلائی کی امید نہیں کی جا سکتی۔ "کچھ لوگ قسطوں میں وزیر اعظم بنانا چاہتے ہیں۔

انہوں نے ہر سال پی ایم رکھنے کا فیصلہ کیا ہے،“ انہوں نے کہا۔ کانگریس لیڈر راہل گاندھی پر نشانہ لگاتے ہوئے مودی نے کہا کہ جب میں ’ایک بھارت شریشٹھ بھارت ‘کی بات کرتا ہوں تو کانگریس کے شہزادے کو بخار ہو جاتا ہے۔ ادھر ایک خصوصی انٹرویو کے دوران وزیر اعظم نریندر مودی نے کانگریس سمیت اپوزیشن جماعتوں کو جموں و کشمیر میں اگست 2019 میں منسوخ کی گئی دفعہ 370 کو واپس لانے کا چیلنج دیتے ہوئے کہا کہ اگر وہ جموں و کشمیر کے وزیر اعلیٰ ہیں تو بھی وہ ایسا نہیں کر سکتے۔انہوں نے بابا صاحب امبیڈکر کے آئین کو جموں و کشمیر میں 70 سال تک مکمل طور پر نافذ نہ کرنے پر کانگریس کو ایک بار پھر آڑے ہاتھوں لیا جو آرٹیکل 370 کو منسوخ کرنے کے بعد بی جے پی حکومت نے کیا تھا۔

وزیر اعظم مودی نے کانگریس سمیت اپوزیشن لیڈروں کو چیلنج کیا، جنہوں نے اعلان کیا کہ وہ دفعہ 370 کو واپس لائیں گے۔انہوں نے کہا ” جو کوئی ہندوستان کے آئین، وفاقی سختی اور دائرہ اختیار میں ہے اس کو سمجھتا ہے، وہ ایسی باتیں نہیں کرے گا۔ آرٹیکل 370 کو واپس لانا اپوزیشن کے دائرہ اختیار میں نہیں ہے۔ یہاں تک کہ اگر میں جموں و کشمیر کا وزیر اعلیٰ ہوں، تو میں یہ نہیں کر سکتا۔ “ انہوں نے کانگریس کو ہمت دی کہ وہ پریس کانفرنس کرے اور اعلان کرے کہ پارٹی دفعہ 370 کو بحال کرے گی۔