سرینگر، 23 اکتوبر
لیفٹنٹ گورنر کے مشیر راجیو رائے بھٹناگر کا کہنا ہے کہ حکومت نے سردیوں کے مہینوں کے لئے درکار خدمات کے لحاظ سے صلاحیتوں کو کافی بہتر کیا ہے۔انہوں نے کہا کہ موم سرما کے دوران تمام خدمات بشمول صحت، ایمرجنسی ٹرانسپورٹ، پولیس خدمات وغیرہ کو عوام کے لئے دستیاب رکھا جائے گا تاکہ لوگوں کو کسی قسم کی تکلیف نہ اٹھانا پڑے۔
موصوف مشیر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔انہوں نے کہا: ‘حکومت نے موسم سرما کے دوران برف ہٹانے اور دوسرے ضروری کاموں کے ساتھ نمٹنے کے لئے اپنی صلاحیتوں کو مزید بہتر کیا ہے’۔ان کا کہنا تھا: ‘امسال ہم نے اپنی صلاحیتوں کو سال گذشتہ سے بھی زیادہ بہتر کیا ہے’۔مسٹر بھٹناگر نے کہا کہ ہم امسال سرما کے دوران ممکنہ ایمرجنسی صورتحال کا مقابلہ کرنے کے لئے زیادہ تیار ہیں گرچہ سال گذشتہ بھی ہم تمام صلاحیتوں سے لیس تھے۔
انہوں نے کہا: ‘بجلی،ایمرجنسی خدمات، ڈیزاسٹر منیجمنٹ کے حوالے سے تمام تیا ریاں کی جا رہی ہیں تاکہ صورتحال کا موثر اور بروقت مقابلہ کیا جا سکے’۔ان کا کہنا تھا کہ موسم سرما کے دوران لوگوں کو ضروری خدمات بہم پہنچانے کے لئے ضروری اشیا کی ذخیرہ اندوزی کی جا رہی ہے اور یہ عمل مقررہ وقت تک مکمل کیا جائے گا۔انہوں نے مزید کہا کہ موم سرما کے دوران تمام خدمات بشمول صحت، ایمرجنسی ٹرانسپورٹ، پولیس خدمات وغیرہ کو عوام کے لئے دستیاب رکھا جائے گا تاکی لوگوں کو کسی قسم کی تکلیف نہ اٹھانا پڑے۔یو این آئی
Comments are closed.