پونچھ میں کنٹرول لائن کے قریب بی ایس ایف اہلکار لاپتہ

پونچھ ضلع میں لائن آف کنٹرول کے قریب بی ایس ایف کے ایک جوان کی پوسٹ سے لاپتہ ہونے کی اطلاع ہے۔

حکام نے بتایا کہ کانسٹیبل، جس کا تعلق بہار سے ہے، بالاکوٹ سیکٹر میں بھرانی فارورڈ پوسٹ پر جنرل ڈیوٹی پر تھا جب وہ جمعہ کو لاپتہ ہو گیا۔

ان کا کہنا تھا کہ بارڈر سیکیورٹی فورس (بی ایس ایف) کے دستوں نے جوان کے لیے تلاشی مہم چلائی جس کا کوئی سراغ نہیں مل سکا جس کے بعد متعلقہ تھانے میں گمشدگی کی رپورٹ درج کرائی گئی