ایس ایس پی سری نگر کی قیادت میں سیکورٹی مسائل کے متعلق جائزہ میٹنگ

سری نگر، سری نگر میں ایس ایس پی راکیش بلوال کی صدارت میں جمعرات کو جرائم اور سیکورٹی مسائل کے متعلق ایک جائزہ میٹنگ منعقد ہوئی۔

اس میٹنگ کا انعقاد ایس ایس پی دفتر سری نگر میں کیا گیا اور اس میں ایس پیز، ڈی ایس پیز، سی پی او، ایس ایچ اوز اور ڈی اوز نے شرکت کی۔

سری نگر پولیس نے جمعرات کو ٹویٹ کرکے کہا: ‘ایس ایس پی راکیش بلوال کی صدارت میں ایس ایس پی دفتر سری نگر میں جرائم اور سیکورٹی مسائل سے متعلق ایک میٹنگ منعقد ہوئی’۔

ٹویٹ میں کہا گیا کی اس میٹنگ میں ایس پیز، ڈی ایس پیز، سی پی او، ایس ایچ اوز اور ڈی اوز نے شرکت کی۔

ٹویٹ میں کہا گیا کہ میٹنگ کے دوران عمومی سیکورٹی اور امن و قانون کے مسائل پر تفصیلی گفتگو کی گئی۔

پولیس ٹویٹ کے مطابق میٹنگ کے دوران سماج میں منشیات کی بدعت کا قانون کی پوری طاقت کے ساتھ مقابلہ کرنے پر خصوصی توجہ مرکوز کی گئی۔

قابل ذکر ہے کہ جموں وکشمیر پولیس نے سماج سے منشیات کی بیخ کنی کو یقینی بنانے کے لئے بڑے پیمانے پر جنگ شروع کی ہے جس کے تحت آئے روز منشیات فروشوں کی گرفتاری عمل میں لائی جا رہی ہے۔

بدنام زمانہ منشیات فروشوں کی منشیات کے کارو بار پر حاصل کی جانی والی جائیدادوں کو قرق بھی کیا جاتا ہے۔

دوسری طرف نشے کی لت میں پڑے نوجوانوں کی باز آباد کاری کے لئے بھی مختلف النوع پروگراموں کا اہتمام کیا جا رہا ہے۔

یو این آئ