امرناتھ یاترا : جموں سےتمام ٹینکروں اور خالی گاڑیوں کو صرف مغل روڈ سے جانے کی اجازت

سری نگر:۶۲،جون :

سری نگرجموںقومی شاہراہ پر امرناتھ یاترا کے پیش نظر ٹریفک کی بغیرکسی پریشانی نقل و حرکت کو یقینی بنانے کیلئے جموں سے تمام ٹینکروں اور خالی گاڑیوں کو صرف مغل روڈ سے ہی جانے کی اجازت ہوگی۔

ڈویڑنل کمشنر کشمیر وجے کماربیدھوری نے ایک حکم جاری ہوئے کہا ہے کہ پھلوں سے لدے ٹرکوں اور دیگر گاڑیوں کی وجہ سے قومی شاہراہ پر نقل و حرکت میں رکاوٹ پیدا ہو رہی ہے اور اسے ترجیح دینے کی ضرورت ہے۔

صوبائی کمشنر کشمیرکے جاری کردہ حکمنامے میں کہاگیاہے کہ آئندہ امرناتھ جی یاترا 2023 کے پیش نظر اور قومی شاہراہ44 کی حالت کو مدنظر رکھتے ہوئے،نیز بے ترتیب موسم جس کی وجہ سے بار بار لینڈ سلائیڈنگ اور پتھروں کے گرآنے کا سلسلہ جاری رہتاہے، پھلوں سے لدے ٹرکوں اور دیگر گاڑیوں کی نقل و حرکت میں رکاوٹ پیدا ہو رہی ہے اور اسے ترجیح دینے کی ضرورت ہے۔آرڈر میں لکھا گیاکہ پیٹرول، ڈیزل، ایل پی جی بلک گیس کے تمام ٹینکرز، تمام خالی ایل پی جی سلنڈر جو ٹرک لے جاتے ہیں، ایف سی آئی کی تمام خالی گاڑیاں اور کوئی بھی دوسری گاڑی جس میں10 ٹائر تک کی گاڑیاں جموں واپس آتے وقت صرف مغل روڈ استعمال کریں گی

۔آرڈر میں مزید کہاگیاہے کہ مذکورہ بالاحالات کے پیش نظرآپ کو ہدایت کی جاتی ہے کہ متعلقہ افراد کو فوری طور پر ہدایات پر عمل کریں۔آرڈر کے مطابق مغل روڈ صبح 6 بجے سے شام6 بجے تک تمام ٹینکروں اور خالی گاڑیوں کی آمدورفت کے لیے کھلی رہے گی

۔صوبائی کمشنر کشمیر کے جاری کردہ آرڈرمیں مزید خبردار کیا گیاہے کہ حکم کی کسی بھی خلاف ورزی پر ٹریفک پولیس کی جانب سے تعزیری کارروائی کی جا سکتی ہے۔ حکم میں کہا گیا ہے کہ کارروائی کی رپورٹ فوری طور پر پہنچ جائے گی۔