ایس پی ایس میوزیم سرینگر میں ہفتہ بھر جاری رہنے والی رمضان نمائش کے دوران قدیم قرآنی نسخوں کی نمائش

سرینگر /29مارچ /
رمضان المبارک کا مقدس مہینہ جہاں جاری ہے وہیں سری پرتاپ سنگھ (ایس پی ایس) میوزیم نے قرآنی نسخوں پر مشتمل ایک ہفتہ طویل خصوصی نمائش کا اہتمام کیا ہے۔
جس دوران زائرین خاص طور پر اسلامی فن اور خطاطی کی بھرپور تاریخ اور ورثے کو جاننے کا ایک منفرد موقع فراہم کرتی ہے۔کشمیر پریس سروس کے مطابق ایس پی ایس میوزیم سرینگر نے ہفتہ بھر جاری رہنے والی رمضان نمائش کے دوران قدیم قرآنی نسخوں کی نمائش کا سلسلہ شروع کیا ہے ۔ نمائش میں وادی کشمیر کے مختلف اسکولوں سے تعلق بچوں نے شرکت کی ۔
اس نمائش میں نایاب اور قدیم قرآنی نسخوں کا مجموعہ دکھایا گیا ہے، جس میں 17ویں صدی کے نسخے بھی شامل ہیں ۔ اس موقعہ پر ایس پی ایس میوزیم کی منیجر رابعہ قریشی نے میڈیا اسے بات کرتے ہوئے بتایا کہ ہمارے مخطوطات کے حصے کو ابھی تک ظاہر نہیں کیا گیا تھا، لیکن پھر ہم نے سوچا کہ یہ رمضان کا مقدس مہینہ ہے، لوگوں کو معلوم ہونا چاہیے کہ کشمیر کے پاس قدیم زمانے کے ہاتھ سے لکھے ہوئے مخطوطات موجود ہیں تاکہ وہ وسطی ایشیا کے آرٹ اور نوادرات کے اثرات کے بارے میں جان سکیں۔ انہوں نے کہا کہ ”میں فخر محسوس کر رہا ہوں کہ ہمارے پاس 17ویں صدی کے زیادہ سے زیادہ مخطوطات کا ایک مجموعہ ہے اور جس میں کشمیری کاغذ کا استعمال کیا گیا ہے“۔
یہ مقامی کشمیر کا بنا ہوا کاغذ ہے جسے سری نگر کے مرکزی علاقے میں تیار کیا گیا ہے“۔ قریشی نے مزیدکہا کہ یہ مخطوطات زیادہ تر کالی سیاہی، سونے اور زعفرانی رنگ سے بنے ہیں۔ اس مخطوطہ کے کاغذ کی دو سے تین قسمیں تھیں ۔
انہوں نے مزید کہا کہ باہر کے لوگ یہاں سے کاغذ لے کر استعمال کرتے ہیں۔ کاغذ کی پہلی اکائی کشمیر میں بنی، اور بھارت کو بھی کشمیر سے کاغذ ملا ہے۔نمائش کا دورہ کرنے والے مقامی طلباءنے بھی اپنے خیالات کا اظہار کرتے ہوئے کہا ”قدیم مخطوطات کو دیکھنا دلکش ہے، جو بہت اچھی طرح سے محفوظ ہیں۔ ہم نے اپنی مقامی تاریخ اور مخطوطہ سازی کے فن کے بارے میں بہت کچھ سیکھا ہے۔ ایک اور طالبہ عائشہ میر نے کہا، ”مجھے کبھی احساس نہیں ہوا کہ کشمیر میں مخطوطہ سازی کی اتنی بھرپور روایت ہے۔ ان خوبصورت ٹکڑوں کو قریب سے دیکھنا اور ان کی تاریخ اور اہمیت کے بارے میں جاننا بہت اچھا ہے۔