نوجوان جتنا مضبوط ہوگا ہمارا ملک اتنا ہی مضبوط ہوگا/راجناتھ سنگھ

سرینگر/21 جنوری/
وزیر دفاع راجناتھ سنگھ نے کہا ہے کہ جموںکشمیر میں فوج، فورسز اور پولیس نے امن و امان قائم کرنے کےلئے جو کام کیا ہے اس پر پورے ملک کو فخر ہے ۔
وزیر دفاع راج ناتھ سنگھ نے آج دہلی کینٹ میں نیشنل کیڈٹ کور (این سی سی) کے یوم جمہوریہ کیمپ کا دورہ کیا اور کیڈٹس کو ان کی مثالی کارکردگی اور ڈیوٹی کے تئیں لگن کے لیے رکھشا منتری پدکاور تعریفی کارڈ دئیے۔
اس سال رکشا منتریپدک شمال مشرقی ریجن ڈائریکٹوریٹ کے انڈر آفیسر ٹنگگیوچائل نریمے اور راجستھان ڈائریکٹوریٹ کے کیڈٹ اویناش جانگیر کو دیا گیا۔ اوڈیشہ ڈائریکٹوریٹ کے کیپٹن پرتاپ کیشری ہری چندن، تمل ناڈو کے کیڈٹ انڈر آفیسر جینی فرانسینا وکٹر آنند، پڈوچیری اور انڈمان اور نکوبار ڈائریکٹوریٹ، جموں و کشمیر اور لداخ ڈائریکٹوریٹ کی کیڈٹ فضا شفیع اور کیڈٹ سہواگ رانا کو رکھشا منتری کمنڈیشن کارڈز سے نوازا گیا۔ کیمپ میں حصہ لینے والے تقریباً 2,000 کیڈٹس سے ایک متاثر کن خطاب میں،
وزیر دفاع نے انہیں نئی راہوں کی نشاندہی کرنے اور ملک کو تیز رفتاری کے ساتھ ترقی کی راہ پر آگے بڑھنے میں مدد کرنے کی تلقین کی۔ تاہم، انہوں نے ان پر زور دیا کہ وہ ملک کی قدیم اقدار اور روایات سے جڑے رہیں اور اپنی پسند کے میدان میں عاجزی کے ساتھ کام کریں۔بدلتے وقت کے مطابق خود کو ڈھالنے کی ضرورت پر زور دیتے ہوئے، راج ناتھ سنگھ نے کہا، حکومت کی طرف سے قوم کو ان چیلنجوں سے نمٹنے کے لیے لیس کرنے میں کوئی کسر نہیں چھوڑی جا رہی ہے جو تیزی سے بدلتے ہوئے عالمی سلامتی کے منظر نامے کی وجہ سے پیدا ہو سکتے ہیں