برفباری اور بارشوں کے بعد پھر شبانہ درجہ حرارت میں کمی ، 14جنوری تک موسم خشک رہنے کا امکان

سرینگر /12جنوری / ٹی آئی نیوز

برفباری اور بارشوں کے بعد ایک مرتبہ پھر شبانہ درجہ حرارت میں کمی آئی ہے ۔ اسی دوران محکمہ موسمیات نے 14جنوری تک موسم خشک رہنے کی پیشگوئی کی ہے ۔
محکمہ موسمیات کے مطابق گلمرگ میں 24 گھنٹوں میں 19 سینٹی میٹر اور پہلگام میں 1 سینٹی میٹر برفباری ہوئی ہے۔ انہوں نے کہا کہ میدانی علاقوں میں بارش ہوئی اور 24 گھنٹوں میں سرینگر میں 2.8 ملی میٹر، قاضی گنڈ میں 9.8 ملی میٹر، کپواڑہ میں 11.3 ملی میٹر کوکرناگ 7 ملی میٹر، جموں میں 1.8 ملی میٹر، بانہال میں 24.5 ملی میٹر، کٹرہ میں 1.8 ملی میٹر اور بھدرواہ میں 15.2 ملی میٹر بارش ہوئی۔
ادھر سرینگر میں کم سے کم درجہ حرارت منفی 0.2 ڈگری سینٹی گریڈ ریکارڈ کیا گیا جو گزشتہ رات کے 3.5 ڈگری سینٹی گریڈ تھا۔پہلگام میں گزشتہ رات منفی 0.3 ڈگری سینٹی گریڈ کے مقابلے میں کم سے کم 1.7 ڈگری ریکارڈ کیا گیا جبکہ گلمرگ میں گزشتہ رات منفی 3.0 ڈگری سینٹی گریڈ کے مقابلے میں کم سے کم 5.5 ڈگری سینٹی گریڈ ریکارڈ کیا