جموں کشمیر میں کووڈ کا کوئی نیا معاملہ درج نہیں ،اَب تک4,74,629مریض شفایاب

جموں/08جنوری
حکومت نے کہا ہے کہ پچھلے چوبیس گھنٹوں کے دوران کورونا وائرس کا آج کوئی نیا معاملہ سامنے نہیں آیا ہے اور اِس طرح مثبت معاملات کی کل تعداد4,79,437تک پہنچ گئی ہے۔
اِسی دوران آج مزید01 فرد شفایاب ہوا ہے جس کا تعلق صوبہ کشمیر سے ہے۔
کووِڈ ویکسی نیشن کے بارے میں بلیٹن میں بتایا گیا ہے ٹیکوں کی مجموعی تعداد 2,47,39,451تک پہنچ گئی ہے ۔اِس کے علاوہ جموں و کشمیر میںزائد اَز 18 برس عمر کی صد فیصد آبادی کو ٹیکے لگائے جاچکے ہیں۔
حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ اَب تک نوول کورونا وائرس کے4,79,437 معاملات سامنے آئے ہیں جن میں23( صوبہ جموں میں 02 اور صوبہ کشمیر میں 21 )معاملات سامنے آئے ہیں۔اَب تک 4,74,629اَفراد صحتیاب ہوئے ہیں ۔
جموں وکشمیر میں کوروناوائرس سے مرنے والوں کی مجموعی تعداد4,785تک پہنچ گئی ،جن میں سے 2,433کا تعلق کشمیر صوبہ سے اور2,352کاتعلق جموں صوبہ سے ہےں۔
بلیٹن میں مزید کہا گیا ہے کہ اَب تک 2,69,42,930ٹیسٹوں کے نتائج دستیاب ہوئے ہیں جن میں سے 08جنوری2023ئکی شام تک2,64,63,493نمونوں کی رِپورٹ منفی اور 4,79,437 نمونوں کی رِپورٹ مثبت پائی گئی ہے۔
علاوہ ازیں اَب تک68,76,161افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ سرکار کی طرف سے چلائے جارہے قرنطین مراکز بھی شامل ہیں ۔23فراد کوآئیسولیشن میں رکھا گیا ہے جبکہ32اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق68,71,297اَفرادنے 28روزہ نگرانی مدت پوری کی ہے۔
بلیٹن کے مطابق پچھلے چوبیس گھنٹوں کے دوران آج ضلع وار کووِڈمثبت معاملات کی رِپورٹ فراہم کرتے ہوئے صوبہ جموں اورصوبہ کشمیر سے کسی بھی اَضلاع میں کسی بھی کووِڈ مثبت معاملے کی کوئی رِپورٹ نہیں ہے۔
لوگوں سے کہا گیا ہے کہ وہ کووِڈ ۔19ہیلپ لائین نمبرات پر رابطہ قائم کرسکتے ہیں تاکہ اُنہیں ضرورت پڑنے پر صحیح طبی مشورہ دیا جاسکے۔