بارشوں اور برفباری کی پیشگوئی کی بیچ وادی کشمیر میں شبانہ درجہ حرارت میں معمولی اضافہ درج

سرینگر /07جنوری / ٹی آئی نیوز

بارشوں اور برفباری کی پیشگوئی کی بیچ وادی کشمیر میں شبانہ درجہ حرارت میں معمولی اضافہ درج ہو گیا ہے ۔ سرینگر میں رات کا درجہ حرارت گزشتہ رات کے منفی 5.5 ڈگری سینٹی گریڈ کے مقابلے میں منفی 1.4ڈگری جبکہ پہلگام میں گزشتہ رات منفی 8.6 ڈگری سینٹی گریڈ کے مقابلے میں منفی 2ڈگری درج ہوا ۔ ادھر محکمہ موسمیات نے آئندہ 24گھنٹوں میں بالائی علاقوں کے ساتھ ساتھ میدانی علاقوں میں بھی بارشوں کے ساتھ ہلکی برفباری ہونے کی پیشگوئی کی ہے
محکمہ موسمیات کے مطابق دومغربی ہوائیں جموں و کشمیر اور اس سے ملحقہ علاقوں کو 7 جنوری سے اثر اندوز ہو رہی ہے اور 9 جنوری تک موسم ابر آلود رہنے کے ساتھ ساتھ بارشیں اور برفباری ہو سکتی ہے