علی جان روڑ پر مشکوک بیگ کی موجودگی سے سنسنی ؛ تلاشی کے دوران کپڑے اور پریشر کوکر بر آمد کیا گیا

سرینگر/09جولائی: سکمز صورہ کے نزدیک ڈاکٹر علی جان روڑ پر جمعہ کو اس وقت سنسنی پھیل گئی جب سڑک کے بیچ و بیچ ایک مشکوک بیگ پایا گیا تاہم بعد میں بیگ سے کچھ کپڑے اور کھانے کیلئے استعمال ہونی والی برتن بر آمد کئے گئے ۔ سی این آئی کے مطابق سکمز صورہ کے نزدیک ڈاکٹر علی جان کمپلکس کے نزدیک صبح ایک مشکوک بیگ کی موجودگی کے بعد پولیس کی ٹیم جائے وارات پر پہنچی جس کے بعد انہوں نے سڑک پر جانے والی ٹریفک کو کچھ دیر تک روک دیا اور بم ڈسپوزل اسکارڈکو طلب کر لیا گیا ۔ معلوم ہوا ہے کہ جونہی بم ڈسپوزل اسکارڈ کو جائے واقع پر طلب کیا گیا تو انہوںنے بیگ کو اپنی تحویل میں لیا جس کے بعد بیگ کی تلاشی کے دوران وہاں سے کچھ کپڑے اور پریشر کورکر بر آمد کر لیا گیا ۔ بیگ میں کپڑے اور کھانے کیلئے استعمال کردہ چیزوں کی موجودگی کے بعد سڑک پر دوبارہ سے ٹریفک کی آمد رفت بحال کر دی گئی اور حالات دوبارہ معمول پر آئیں ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ مشکوک بیگ کی موجودگی کی اطلاعات ملنے کے بعد بیگ سے کپرے ملیں ۔