ضروری مرمت کے پیش نظر سرینگر جموں شاہراہ پر ٹریفک رہا بند

سرینگر/07جولائی: ضروری مرمت کے پیش نظر بدھ کو سرینگر جموں شاہراہ پر ٹریفک کی نقل و حمل بند رہی۔ادھر ٹریفک حکام کے مطابق آج جمعرات کو موسم ساز گار رہنے کی صورت میں شاہرا پر دونوں اطراف سے چھوٹی گاڑیوں کو چلنے کی اجازت نہیںہوگی ۔ سی این آئی کے مطابق سرینگر جموں شاہراہ پر ضروری مرمتی کام کے پیش نظر بدھ کو شاہراہ پر ٹریفک کی نقل و حمل معطل رہی۔ قاضی گنڈ سے نمائندے اس ضمن میں اطلاع دی ہے کہ سرینگر جموں شاہراہ پر بدھ کو گاڑیوں کی نقل و حمل مکمل طو ر پر بند رہی اور کسی بھی گاڑیوں کو نہ تو جموں سے سرینگر آنے اور نہ ہی سرینگر سے جموں کسی بھی گاڑی کو جانے کی اجازت دی گئی ۔ انہوں نے بتایا کہ شاہراہ پر ضروری مرمت کے پیش نظر یہ فیصلہ لیا گیا تھا کہ ہر بدھ کو شاہراہ پر ٹریفک کی نقل و حمل بند رہے گی ۔ ادھر سرینگر لہہ شاہراہ پر ٹریفک کی نقل و حمل بنا کسی خلل کے جاری رہی ۔جبکہ مغل شاہراہ پر بھی ایک طرفہ ٹریفک کی نقل و حمل جاری ہے ۔ خیال رہے کہ سرینگر جموں شاہراہ کی مرمت کے پیش نظر جموں کشمیر انتظامیہ نے پہلے ہی اعلان کیا تھا کہ بدھ کو سرینگر جموں شاہراہ پر ٹریفک کی نقل و حمل بند رہے گی اور کسی بھی گاڑی کو اس دن شاہراہ پر چلنے کی اجازت نہیں ہو گئی جبکہ سیکورٹی فورسز کے علاوہ مسافروں سے تاکید کی گئی تھی کہ وہ ایڈ وائزری پر من و عن عمل کرکے بدھ کو روز شاہراہ پر سفر کرنے سے گریز کریں ۔ادھر محکمہ ٹریفک کے مطابق آج یعنی جمعرات کو دونوں اطراف سے گاڑیوں کو چلنے کی اجازت ہو گی ۔