جموں کشمیر میں کورونا وائرس کی دوسری لہر بے قابو ؛ جموں کشمیر کے تما م اضلاع میں کورونا لاک ڈائون میں 17مئی تک توسیع

سرینگر/09مئی: جموں کشمیر میں کورونا وائرس کی دوسری لہر میں شدت کے چلتے ہر گزرتے دن کے ساتھ ہی کیسوں میں اضافہ کے پیش نظر انتظامیہ نے تمام 20اضلاع میں گزشتہ 11 روز سے جاری کورونا کرفیو میں17 مئی تک توسیع کر دی ہے جبکہ شادی بیا ہ کی تقریبات میں شرکت کیلئے اب صرف 25افراد کو ہی شامل ہونے کی اجازت ہو گی ۔ سی این آئی کے مطابق جموں کشمیر میں کے تمام 20اضلاع میں جاری کورونا کرفیو میںمزید سات دنوں کی توسیع کر دی گئی ہے ۔ اس ضمن میں محکمہ اطلاعات و رابطہ عامہ نے اپنے آفیشل ٹویٹر ہینڈ ل پر اپنی ایک ٹویٹ میںلکھا کہ جموں کشمیر کے 20اضلا ع میں کورونا کرفیو جو پہلے 10مئی تک میں توسیع کردی گئی ہے اور اب کرفیو کانفاذ 17 مئی تک بروز سوموار تک جاری رہے گا ۔ جبکہ اس کے علاقہ شادی بیاہ کی تقریبات میں 25 لوگ ہی شرکت کر سکتے ہیں جبکہ اس سے قبل 50 لوگوں کی اجازت تھی۔جبکہ تعزیت و جنازے پر 20 افراد ہی شامل ہوں گے ۔ قابل ذکر ہے کہ جموں کشمیر میںکورونا کرفیو کا نفاذ گزشتہ 11دنوں سے جاری ہے تاہم اس کے باوجود بھی کورونا وائرس کے مثبت معاملات میں آئے روز اضافہ ہوتا جا رہا ہے اور اموات بھی بڑھتی جارہی ہے ۔ انتظامیہ کی جانب سے اس بات کو یقینی بنانے کی کوشش کی جا رہی ہے کہ کورونا لاک ڈائون پر مکمل طور پر عملدر آمد کر ایا جائے جبکہ لوگوں سے تاکید کی جاتی ہے کہ وہ سماجی دوری بنائے رکھنے کے ساتھ ساتھ ایس او پیز پر من و عن عمل کریں۔