سرینگر جموں شاہراہ کی ضروری مرمت ، کل ٹریفک بند رہے گا ؛ تاریخی مغل شاہراہ بھی ایک ماہ سے زائد عرصے سے مسلسل ٹریفک کی آمد رفت کیلئے بند

سرینگر/03 فروری: ضرروی مرمت کے پیش نظر جمعرات کو سرینگر جموں شاہراہ ٹریفک کی آمد رفت کیلئے بند رہی گی ۔ ادھر مغل شاہراہ بھی گزشتہ ایک ماہ سے مسلسل بند پڑی ہوئی ہے ۔ سی این آئی کے مطابق سرینگر جموں شاہراہ پر ضروری مرمت کے پیش نظر آج یعنی جمعرات کو ٹریفک کی نقل و حمل مطل رہے گی اور کسی بھی گاڑی کو چلنے کی اجازت نہیں ہو گی ۔ محکمہ ٹریفک کی جانب سے جاری کردہ ایڈ وائزری کے مطابق سرینگر جموں شاہراہ ضروری مرمت کے پیش نظر جمعرات کو ٹریفک کی نقل و حمل کیلئے بند رہے گی اور کسی بھی گاڑی کو نہ تو سرینگر سے جموں اور نہ ہی جموں سے سرینگر آنے کی اجازت ہو گی ۔ خیال رہے کہ اس سے قبل شاہراہ جمعہ کے روز بند ہوا کرتی تھی تاہم رواں ماہ سے اس میں تبدیلی لاکر جمعہ کے بجائے جمعرات رکھ دیا گیا ہے ۔ محکمہ ٹریفک کے ایک سنیئر آفیسر نے اس کی تصدیق کرتے ہوئے بتایا کہ جمعرات کو سرینگر جموںشاہراہ پر ضروری مرمت کے پیش نظر کسی بھی گاڑی کو چلنے کی اجازت نہیںہو گی ۔ انہوں نے کہا کہ اس ضمن میں پہلے ہی حکمنامہ جاری کردیا گیا ہے جس دوران تمام مسافروں اور فوجی اہلکاروں کو بھی ہدایت دی گئی ہے کہ وہ جمعرات کے روز شاہراہ پر سفر کرنے سے گریز کریں۔ اس کے علاوہ تمام مسافروں سے تاکید کی گئی ہے کہ سفر سے پہلے محکمہ ٹریفک سے رابطہ ضروری کریں۔ ادھر تاریخی مغل شاہراہ پر بھی مسلسل ٹریفک کی نقل و حمل بند ہے اور ابھی تک اس کو بحال نہیںکیا گیا ۔