پیشگوئی کے عین مطابق موسم نے پھر بدلی کروٹ ،پیر پنچال کے آر پار رواں سال کی دوسری برفباری

میدانی علاقوں کے ساتھ ساتھ بالائی علاقوں میں کہیں جم کر تو کہیں ہلکی برفباری ریکارڈ ، معمول کی زندگی متاثر

سرینگر/23جنوری:/ محکمہ موسمیات کی عین پیشنگوئی کے مطابق پیر پنچال کے آر پار بالائی علاقوں کے ساتھ ساتھ میدانی علاقوں میں بھی سال رواں کی دوسری برفباری ریکارڈ کی گئی ۔ جمعہ کی را ت دیر گئے سے ہی کہیں درمیانی درجے سے بھاری برفباری کے باعث چلہ کلاں کی شدیدسردی نے لوگوں کو کپکپا دیاجبکہ دن بھر ہوئی برفباری کے باعث وادی میںمعمولات زندگی درہم برہم ہوکے رہ گئی اور وادی کا بیرون دنیا سے زمینی و فضائی رابطہ منقطع ہوکے رہ گیا ۔ جواہر ٹنل ، پہلگام ، سونہ مرگ ، گزیر اور گلمرگ کے علاوہ پیر کی گلی اور زوجیلا پر تازہ برفباری کے بعد سرینگر جموں شاہراہ ، سرینگر لہہ شاہراہ اور مغل روڑ پر ٹریفک کی آمد رفت معطل کر دی گئی ۔ ادھر محکمہ موسمیات نے اگلے 24گھنٹوں تک ہلکی سے بھاری فباری کی پیشگوئی کرتے ہوئے بتایا کہ 24جنوری کی صبح سے ہی موسمی صورتحال میں بہتری آنے کا امکان ہے ۔ سی این آئی کے مطابق محکمہ موسمیات کی پیشگوئی کے عین مطابق جمعہ اور سنیچروار کی درمیابی رات سے ہی موسم میں تبد یلی آتے ہوئے بالائی علاقوں کے ساتھ ساتھ میدانی علاقوں میں رواں سال کی دوسری برفباری ریکارڈ کی گئی ۔ پہاڑیوں کے ساتھ ساتھ میدانی علاقوں میں بھی سال نو کی دوسری برفباری ریکارڈ کی کی گئی ۔درمیانی رات سے ہی شروع ہوئی برفباری کا سلسلہ شہر سرینگر سمیت وادی کے دیگر علاقوں میں سنیچروار کو دن بھر وقفے وقفے سے جاری رہا ۔وسطی و شمالی کشمیر کے علاوہ جنوبی کشمیر کے پہاڑی علاقوں میں بھی بھاری برفباری ہوئی ہے۔ ذرائع نے بتایا کہ شوپیاں کے پہاڑیوں پر 1فٹ سے 1.5فٹ برف پڑی ہے جبکہ میدانی علاقوں میں چھ انچ سے 7انچ برف ہوئی۔اسی طرح کی اطلاعات پلوامہ ، اننت ناگ اور کولگام سے بھی موصول ہوئی ہے ۔ اس کے علاوہ وسطحی ضلع بڈگام کے دور دراز علاقوں میں بھی شدید برفباری سے سخت سردی پیدا ہوئی۔ گاندربل ، کنگن اور سونہ مرگ میں شدید برفباری کے نتیجے میں سونہ مرگ سرینگر شاہراہ پر ٹریفک کو چلنے کی اجازت نہیں دی گئی ۔ ادھر شہر آفاق گلمرگ میں ہوئی شدید برفباری سے وہاں سیر پر آئے ہوئیے سیلانیوں نے برفباری کا خوب مزہ لیا ۔ برفباری کے نتیجے میں گلمرگ سرینگر شاہراہ پر ٹریفک کی نقل و حمل متاثرہ ہوئی ۔ گلمرگ سے ٹنگمرگ جانے والی گاڑیوں کو اُسی صورت میں اجازت دی جائے گی جب وہ ٹائروں پر چین لگائیں گے اور اس روٹ پر صرف 4×4گاڑیوں کو ہی چلنے کی اجازت ہوگی۔ادھر وادی کشمیر میں شبانہ سردیوں کا قہر جاری ہے ۔ دریں اثناء سرینگر جموں شاہراہ پر ہوئی ہوئی تازہ برفباری کے نتیجے میں شاہراہ کے دونوں اطراف ٹریفک کی نقل حمل کی اجازت نہیں دی گئی ۔ جس کے نتیجے میں شاہراہ پر سینکڑوں گاڑیاں درماندہ ہوکے رہ گئی ہیں ۔ اس دوران مغل روڑ اور اس کے گردونواح علاقوں میں ہوئی برفباری سے مغل روڑ کو ٹریفک کی آواجاہی کیلئے بند کردی گئی ہے ۔ اس دوران زوجیلااور سونہ مرگ میں ہوئی بھاری برفباری کے نتیجے میں سرینگر لہہ شاہراہ پر ٹریف کی آواجاہی بند کردی گئی ہے ۔ادھر محکمہ موسمیات کے مطابق پیر پنچال کے آر پار اگلے 24گھنٹوں تک میدانی علاقوں کے ساتھ ساتھ بالائی علاقوں میں بھی برفباری ہونے کے امکانات ہے اور کہا کہ موسمی صورتحال میں 24جنوری بعد ہی بہتری آنے کی امید ہے ۔ محکمہ موسمیات کے مطابق بالائی علاقوں کے ساتھ ساتھ میدانی علاقوں میں کہیںکہیں پر ہلکی سے درمیانہ درجے کی بارشیں ہوسکتی ہے جبکہ سنیچروار کی صبح برفباری کی وجہ سے درجہ حرارت میں مزید گراوٹ آسکتی ہے۔ ادھر سرینگر کے بین الاقوامی ہوائی اڈے پر بھی کم روشنی کے باعث فضائی خدمات بھی متاثر رہی ۔