اتوار کو ہلکی بوندا باندی کے بعد 31اکتوبر تک وادی میں خشک رہنے کا امکان; بعد دوپہر مطلع ابرآلود ،شبانہ سردی میں اضافہ ہوسکتا ہے / محکمہ موسمیات

سرینگر/24 اکتوبر: وادی میںآج بعد دوپہر مطلع ابرآلود رہنے کے نتیجے میں دن کی سردی میں معمولی اضافہ دیکھنے کو ملا جبکہ اتوار کو شام کے بعد کہیں کہیں پر ہلکی بونداباندی ہوسکتی ہے تاہم اگلے کئی روز تک موسم خوش گوار رہنے کے ساتھ ساتھ دن میں دھوپ اور شام کے بعد موسم سرد رہنے کی امید ہے ۔ جبکہ آج سرینگر میں زیادہ سے زیادہ درجہ حرارت 16ڈگری سیلسس ریکارڈ گیا گیا ہے ۔ کرنٹ نیوز آف انڈیا کے مطابق آج وادی کشمیر میں بعد دوپہر مطلع ابرآلود ہوا جس کے نتیجے میں دن کی سردی میں معمولی اضافہ دیکھنے کو ملا ۔ ادھر محکمہ موسمیات نے وادی کے موسم کے بارے میں پیشن گوئی کرتے ہوئے کہا ہے کہ وادی میں اتوار کے روز اگرچہ دن بھر خشک رہ سکتا ہے تاہم شام کے بعد ہلکی بوندا باندی کاامکان ہے اس کے بعد اگلے چند رو ز تک خشکی کا ماحول رہے گااور سرینگر کے ساتھ ساتھ دیگر اضلاع میں دن بھر دھوپ کھلے رہنے کا امکان ہے ۔ سرینگر ، بڈگام ، گاندربل میں درجہ حرارت میں ایک ڈگری سے دو ڈگری تک اضافہ وہوسکتا ہے اس کے علاوہ اننت ناگ میں بھی درجہ حرارت میں معمولی اضافہ ہوسکتا ہے ۔ جنوبی کشمیر کے ضلع پلوامہ، شوپیاں اور کولگام کے پہاڑی علاقوں میں صبح و شام سردی میں اضافہ ہوسکتا ہے جبکہ ٹائونوں میں درجہ حرارت 15سے 16ڈگری سیلیس رہے گا۔ ادھر محکمہ موسمیات نے سرینگر کے حوالے سے کہا ہے کہ سرینگر میں آج ہفتہ کو دن کا زیادہ سے زیادہ درجہ حرارت 16ڈگری اور کل رات کا کم سے کم درجہ حرارت 11.5ڈگری ریکارڈ کیا گیا ہے ۔