12ریاستوں کی 56 سیٹوں پر ضمنی انتخابات کا اعلان؛ کیرالہ اور بنگال کا فیصلہ فی الحال نہیں ہوا

سرینگر / 29ستمبر /کے پی ایس : بھارت کی ریاست بہار کے ایک پارلیمانی حلقے اور منی پور کی 2 اسمبلی سیٹوں پر ضمنی انتخابات 7 نومبر کو ہوں گے۔ جبکہ چھتیس گڑھ، گجرات، جھارکھنڈ، کرناٹک، مدھیہ پردیش ، ناگالینڈ، اڈیشہ، تلنگانہ اور یوپی کے 53 اسمبلی حلقوں کے ضمنی انتخابات 3 نومبر کو ہوں گے۔ ان سبھی سیٹوں پر ہونے والی ووٹنگ کی ووٹوں کی گنتی بہار الیکشن کے ساتھ 10 نومبر کو ہی ہو گی۔ذرایع کے مطابق الیکشن کمیشن آف انڈیا نے منگل کو ملک کی 12 ریاستوں کی 56 اسمبلی سیٹوں اور 1 لوک سبھا سیٹ پر ضمنی الیکشن کی تاریخوں کا اعلان کر دیا۔ کمیشن نے مغربی بنگال اور کیرالہ کی سیٹوں پر ہونے والے ضمنی الیکشن کی تاریخ کا اعلان منگل کو نہیں کیا گیاہے۔ اس کے علاوہ اترپردیش کی سوار سیٹ پر بھی ضمنی الیکشن کو لے کر فی الحال کوئی اعلان نہیں کیا گیا۔کمیشن کے مطابق بہار کے ایک پارلیمانی حلقے اور منی پور کی 2 اسمبلی سیٹوں پر ضمنی انتخابات 7 نومبر کو ہوں گے۔ جبکہ چھتیس گڑھ، گجرات، جھارکھنڈ، کرناٹک، مدھیہ پردیش ، ناگالینڈ، اڈیسہ، تلنگانہ اور یوپی کے 53 اسمبلی حلقوں کے ضمنی انتخابات 3 نومبر کو ہوں گے۔ ان سبھی سیٹوں پر ہونے والی ووٹنگ کی گنتی بہار الیکشن کے ساتھ 10 نومبر کو ہی ہو گی۔اس سے پہلے الیکشن کمیشن نے بہار اسمبلی انتخابات کا اعلان کیا تھا۔ بہار الیکشن کے شیڈول کی جانکاری دینے کے بعد چیف الیکشن کمشنر سنیل اروڑا نے کہا تھا کہ الیکشن کمیشن 29 ستمبر کو ملک کی بقیہ ریاستوں میں ضمنی الیکشن کا اعلان کرے گا۔ادھرمدھیہ پردیش میں 22 سیٹوں سے جیوترادتیہ سندھیا کے حامیوں نے استعفیٰ دے کر کمل ناتھ کی حکومت مارچ میں گرا دی تھی جبکہ دو سیٹیں بی جے پی ارکان اسمبلی کے انتقال سے خالی ہوئی ہیں۔ حال ہی میں کانگریس کا دامن چھوڑ کر تین ارکان اسمبلی پردیوم سنگھ لودھی، سمترا دیوی اور نارائن پٹیل نے استعفیٰ دے کر بی جے پی کی رکنیت حاصل کر لی تھی۔ اس طرح ریاست میں 27 اسمبلی سیٹیں فی الحال خالی ہو گئی ہیں جن پر 3 نومبر کو ضمنی انتخابات ہوں گے اور 10 تاریخ تک فیصلہ ہو جائے گا۔