کشمیر میں اب سرگرم جنگجوئوں کی تعداد 100 سے 200 کے درمیان ، امسال4کمانڈروں سمیت 106جنگجو جاںبحق / آئی جی پی کشمیر

کولگام جھڑپ میں جیش کمانڈر M-4رائفل اور دیگر امریکی ساخت اسلحہ چھوڑکر ساتھی سمیت فرار ہو گیا

سرینگر /21جون : سال رواں میں ابھی تک 106جنگجو ئوں کو جاں بحق کیا گیا کی بات کرتے ہوئے انسپکٹر جنرل پولیس کشمیر زون وجے کمار نے کہا کہ وادی کشمیر میں اب سرگرم جنگجوئوں کی تعداد 100 سے 200 کے درمیان ہے۔ سرینگر جھڑپ کے بارے میں انہوںنے کہا کہ مسلح تصادم آرائی میں مارے گئے تین جنگجو ئوں میں سے دو مقامی ہے جبکہ تیسرے کی شناخت نہیںہو سکی ۔ اسی دوران انہوںنے کہا کہ کولگام جھڑپ میں عسکری تنظیم جیش محمد کا کمانڈر ہلاک کیا گیا اور جبکہ اس کے قبضے سے امریکی ساخت ایم 4رائفل بر آمد کر لی گئی ہے ۔ ساتھ ہی انہوں نے کہا کہ کھٹوعہ میں ڈرون سے بر آمد ہونے والی رائفل جیش کمانڈر فرقان کیلئے تھی ۔ سی این آئی کے مطابق زونی مر سرینگر علاقے میں مسلح تصادم آرائی کے اختتام کے بعد پولیس کنٹرول روم سرینگر میں پریس کانفرنس سے خطاب کرتے ہوئے آئی جی پی کشمیر وجے کمار نے کہا کہ جب میں نے آئی جی پی کشمیر کے بطور عہدہ سنبھالا تب کشمیر میں 252 جنگجو سرگرم تھے تاہم اس وقت یہ تعداد 100 سے 200 کے درمیان ہے۔انہوں نے مزید کہا کہ سرگرم جنگجو ئوں کی تعداد میں اضافہ کی ایک وجہ یہ بھی ہے کہ امسال لائن آف کنٹرول پر کچھ کامیاب دراندازی کے واقعات بھی پیش آئے ۔ آئی جی پی کشمیر نے کہا کہ پولیس و فورسز جنگجو ئوں کی تعداد پر نہیںجاتی ہے اور ان کا کام ہے کہ جنگجو کو مار گرنا اور فوج و پولیس کو جہاں بھی جنگجوئوںکی موجودگی کی اطلاعات ملتی ہے تو وہاں آپریشن عمل لاے جاتے ہیں ۔ زونی مر قادی کدال جھڑپ کے بارے میں بتاتے ہوئے آئی جی پی کشمیر نے کہا کہ سنیچروار کی دیر رات پولیس کو تین جنگجوئوں کی موجودگی کے بارے میں اطلاع ملنے کے بعد علاقے میں محاصرہ کیا گیا جس دوران جنگجوئوں کو خود سپرد کرنے کی مہلت بھی دی گئی ہے ۔ انہوںنے کہا کہ ان تین میں سے دو مقامی تھے اور ہم ان کے اہل خانہ کو لائے اور علاقے کے ذی عزت شہری اور والدین کے ذریعہ لاؤڈ اسپیکر پر بار بار اعلان کیا۔ تاہم چھپے ہوئے جنگجوئوںنے دستی بموں سے حملہ کیا اور سیکورٹی فورسز پر فائرنگ کی جس سے انکاؤنٹر ہوگیا۔ انہوں نے کہا ، "اس انکاؤنٹر میں تین عسکریت پسند مارے گئے۔ان تینوں میں سے دو کی شناخت کی جا چکی ہے اور ان کو ہند وارہ یا بارہمولہ میں سپرد خاک کیا جائے گا اور ان کے والدین کو آخری رسومات میں حصہ لینے کی اجازت دی گئی ہے جبکہ تیسرے جنگجوئوں کی شناخت کرنے کیلئے کارورائی جاری ہے ۔ یہ پوچھے جانے پر کہ کیا سرینگر عسکریت پسندی کی بحالی کا مشاہدہ کررہا ہے ، آئی جی پی نے کہا کہ اگر کسی بھی ضلع میں عسکریت پسندی کے خلاف کوئی آپریشن نہیں ہو رہا ہے تو اس کا مطلب یہ نہیں ہے کہ عسکریت پسندی موجود نہیں ہے۔ ‘‘اس وقت سرینگر میں دو سرگرم عسکریت پسند ہیں۔ سری نگر وسطی ضلع ہونے کی وجہ سے عسکریت پسند فنڈز وصول کرنے اور گروپ کے رہنماؤں اور دیگر ساتھیوں سے ملنے کے لئے استعمال کرتے ہیں۔زونی مر جھڑپ میں جاں بحق جنگجو کی شناخت کے بارے میں آئی جی پی نے بتایا کہ دو مقامی عسکریت پسندوں میں سے ایک کی شناخت سرینگر کے قمر واری کے شکور فاروق لانگو کے نام سے کی گئی ہے۔ انہوں نے بتایا کہ وہ صورہ میں بی ایس ایف کے دو جوانوں کی ہلاکت میں ملوث تھا اور انہوں نے اسلحہ بھی چھین لیا تھا۔ کمار نے بتایا کہ اس میں دیگر عسکریت پسند بھی شامل تھے ، لیکن شکور وہ تھا جس نے بی ایس ایف کے جوانوں پر فائرنگ کی تھی۔کولگام میں کل ہونے ہوئی جھڑپ کے بارے میں ، آئی جی پی نے بتایا کہ لکڑی پورہ کے باغات میں ایک جنگجو مارا گیا جبکہ اس کے دو ساتھی ولید بھائی اور لمبو ساکنہ پنجاب پاکستان فرار ہونے میں کامیاب ہوگئے۔ انہوں نے کہا ، "ولید بھائی ایک IED ماہر ہیں جو M-4 کاربائن کے پیچھے رہ گئے ہیں جو دیگر گولہ بارود کے علاوہ امریکہ کا بنایا ہوا ہے۔کٹھوعہ میں کل کے واقعہ کے بارے میں جہاں بی ایس ایف کے جوانوں نے ہی کسا کاپٹر کو اسلحہ اور گولہ بارود سے بھرا تھا جس میں امریکی ساختہ M-4 کاربائن بھی شامل تھا ، آئی جی پی نے کہا کہ اس سامان کی فراہمی ریکارڈوں کی جانچ پڑتال کے بعد ، "علی بھائی” کے لئے تھی۔ ضلع کولگام میں عسکریت پسند سرگرم ہے جس کا نام فرقان ہے اور اس کا کوڈ نام علی بھائی ہے۔ انہوں نے کہا ، "شاید اس سامان کی فراہمی اس کے لئے تھی۔