سرینگر/یکم اپریل : ملک بھر میں کورنا وائرس کے پھیلا ئو کے بیچ سپریم کورٹ نے حکومت سے کورونا وائرس سے متعلق جعلی خبروں پر پابندی لگانے اور صحیح معلومات کے لئے 24 گھنٹوں کے اندر پورٹل قائم کرنے کا حکم دیا ہے۔سی این آئی مانیٹرنگ کے مطابق عدالت عظمی نے حکم دیا کہ ‘وہ کورونا وائرس وبائی امراض سے متعلق جعلی خبروں کے ذریعے پھیلائی جانے والی خوف و ہراس کا مقابلہ کرنے کے لئے 24 گھنٹوں کے اندر ایک پورٹل تشکیل دے۔ مانیٹرنگ کے مطابق سپریم کورٹ نے کہا کہ وہ مہاجرین کو پرسکون کرنے کے لئے تربیت یافتہ مشیران اور تمام کمیونٹی رہنماوں کی خدمات حاصل کریں ، جنھیں ملک بھر میں پناہ گاہوں میں رکھا گیا ہے۔چیف جسٹس ایس اے بوبڈے اور ایل ناگیسوارا را پر مشتمل ایک بینچ نے ویڈیو کانفرنس کے ذریعہ ہجرت کرنے والے مزدوروں کے معاملے پر بات کی۔بینچ نے حکومت سے کہا کہ وہ اس بات کو یقینی بنائے کہ وہ پناہ گاہوں کے انتظام کے فرائض پولیس کو نہیں رضاکاروں کے سپرد کیے جائیں اور اس میں کسی قسم کا طاقت اور دھمکیاں نہیں ہونے چاہئیں۔مانیٹرنگ کے مطابق حکومت نے عدالت عظمی کو بتایا کہ ہجرت کر کے مزدوری کرنے والوں کو صاف ستھرا بنانے کے لئے پانی اور کیمیکل چھڑکنے کی تجویز سائنسی اعتبار سے کام نہیں کرتی ہے اور یہ صحیح طریقہ نہیں ہے۔(سی این آئی )
Comments are closed.