نیشنل کانفرنس کے صدر ڈاکٹر فاروق عبداللہ کی رہائی کا خیر مقدم

سرینگر/13مارچ: نیشنل کانفرنس کے صدر ڈاکٹر فاروق عبداللہ کی رہائی کا خیر مقدم کرتے ہوئے سابق وزیر اعلیٰ محبوبہ مفتی کی بیٹی التجا مفتی نے کہا کہ وقت آگیا ہے کہ میری والدہ سمیت تمام سیاسی محبوسین کو رہا کیا جائے۔ سی این آئی کے مطابق جموںکشمیر انتظامیہ نے جمعہ کو نیشنل کانفرنس کے صدر اور ممبر پارلیمنٹ ڈاکٹر عبدا للہ پر عائد پی ایس اے کو کالعدم قرار دیتے ہوئے ان کی رہائی کے احکامات صادر کئے ۔ محبوبہ مفتی کی صاحبزادی التجا مفتی نے نیشنل کانفرنس کے صدر ڈاکٹر فاروق عبداللہ کی پی ایس اے کے تحت نظر بندی کے خاتمے کو خوش آئند قرار دیتے ہوئے اپنی والدہ سمیت تمام دیگر سیاسی لیڈروں اور نوجوانوں کی فوری رہائی کا مطالبہ کیا ۔التجا مفتی نے اپنی والدہ کے ٹویٹر ہینڈل پر موصوف لیڈر کی نظر بندی کے خاتمے کے بارے میں حکومت کی طرف سے جاری کردہ حکمنامے کو پوسٹ کرتے ہوئے کہا: ‘وقت آگیا ہے کہ تمام نظر بند لیڈروں بشمول ہزاروں نوجوانوں جو جموں وکشمیر کے باہر کے جیلوں میں بند ہیں کو بھی رہا کیا جائے۔