جموں کشمیر کی صورتحال میں کافی بدلائو آیا ، نوجوان اب تعلیم ، ترقی اور بہتر معیشت کی فکر میں لگا ہواہے/ وی کے جوہری

سرینگر/29فروری : سرحدوں پر پاکستان کی کسی بھی کارروائی کا بھر پور جواب دینے کیلئے تیار ہے کی بات کرتے ہوئے ڈائر یکٹر جنرل بی ایس ایف نے واضح کیا ہے کہ جموں کشمیر میں مقامی نوجوانوں کی جانب سے عسکری صفوں میں شامل ہونے کے رجحان میں کمی آئی ہے ۔ انہوں نے بتایا کہ صورتحال کافی بدل چکی ہیں وادی کشمیر کا نوجوان اب تعلیم ، ترقی اور بہتر معیشت کی فکر میں لگا ہواہے ۔ انہوں نے کہا کہ جنگ بندی معاہدے کی خلاف ورزی کی اڑ میں پاکستان تربیت یافتہ جنگجووں کو اس پار کشمیر میں دھکیلنے کیلئے تیاری کی حالت میں ہے تاہم انہوں نے کہا ہے کہ سرحدوں پر فائرنگ کی آڑ میں دراندازی کی کوششوں کو پوری طرح ناکام بنانے کیلئے ایک نئی حکمتِ عملی پر کام ہورہا ہے اور اْس پار سے ہو رہی کسی بھی کوشش کو ناکام بنانے کیلئے سرحدوں پر فوج تیاری کی حالت میں ہے اور کسی بھی کوشش کو کامیاب نہیں ہونے دیا جائے گا۔ سی این آئی مانیٹرنگ کے مطابق ایک انگریزی نیوز چینل کیساتھ خصوصی بات چیت کے دوران ڈائر یکٹر جنرل بی ایس ایف وی کے جوہری نے کہاکہ جموں کشمیر میں حالات کو بہتر بنانے کیلئے سیکورٹی ایجنسیوں کی جانب سے اقدامات اٹھائے جا رہے ہیں۔ انہوں نے کہاکہ سرگرم جنگجووں کے خلاف بڑے پیمانے پر جنگجو مخالف آپریشن شروع کیا گیا ہے جس کے زمینی سطح پر مثبت نتائج سامنے آرہے ہیں۔ انہوں نے کہاکہ جموں کشمیر میں دن بدن حالات معمول پر آرہے ہیں۔انہوں نے کہا کہ پاکستان لائن آف کنٹرول پر جنگ بندی معاہدے کی خلاف ورزی کرکے جنگجوئوں کو اس پار دھکیل نے کوشش کر رہا ہے تاہم ان کی ا س کوشش کو کامیاب نہیں ہونے دیا جائے گا۔ انہوں نے کہا کہ سرحدوں پر فوج چوکس ہے اور کسی بھی کارروائی کا جواب دینے کیلئے بی ایس ایف تیاری کی حالت میں ہے۔نوجوانوں کے جنگجوئیت کی طرف مائل ہونے کے بارے میں پوچھے گئے سوال کا جواب دیتے ہوئے ڈی جی بی ایس ایف نے کہاکہ صورتحال کافی بدل چکی ہیں وادی کشمیر کا نوجوان اب تعلیم ، ترقی اور بہتر معیشت کی فکر میں لگا ہواہے اسے مقابلہ آرائی کا سامنا ہے اور غیر قانونی سرگرمیوں سے وہ دور رہنے کی بھر پور کوشش کررہا ہے۔ انہوں نے کہاکہ برفباری سے پہلے اگر چہ جنگجو دراندازی کی بھر پور کوشش کرئینگے اور خفیہ اداروں کی جانب سے جو اطلاعات موصول ہو رہی ہیں ان کے مطابق بڑی تعداد میں جنگجو دراندازی کے ذریعے اس طرف آنے کی تاک میں ہیں تاکہ جموں کشمیر کے خرمن امن میں آگ لگا دی جائے ، خون خرابے کی سرگرمیاں انجام دی جا سکیں ، عدم استحکام کی صورتحال پیدا کی جا سکیں تاہم فوج اس طرح کے تمام منصوبوں کو کامیاب نہیں ہونے دے گی۔(سی این آئی )