بھارت کے سب مسلمانوں کو 1947میں ہی پاکستان بھیج دیا جانا چاہئے تھا / گیرراج سنگھ

سرینگر/21فروری /سی این آئی// وزیر اعظم نریندر مودی کی کابینہ کے رکن گیرراج سنگھ نے ایک اور متنازعہ بیان دیتے ہوئے کہا کہ سال 1947میں تمام مسلمانوں کو پاکستان بھیجا جانا چاہئے تھا۔سی این آئی مانیٹرنگ کے مطابق بہار کے علاقے پورنیا میں ایک تقریب سے خطاب کرتے ہوئے گری تاج سنگھ نے کہاکہ اب وقت آگیا ہے کہ مسلمان خود کوایک قوم سے وابستہ کریں۔1947میں محمد علی جناح نے ایک مسلم قومیت کے لئے زور دیا۔ ہمارے باپ دادا کی یہ بہت بڑی غلطی تھی جس کی قیمت ہم ادا کر رہے ہیں۔ اگر اس وقت مسلمانوں کو پاکستان بھیجا گیا ہوتا اور ہندووں کو یہاں لایا گیا ہوتا تو ہم مختلف صورتحال میں ہوتے ۔وزیر برائے امور پروری ، دودھ اور ماہی گیری کا یہ بیان شہریت ترمیمی قانون (سی اے اے)کے خلاف ملک گیر احتجاج کے دوران سامنے آیا ہے جس میں 2015 ، سے قبل ہندوستان آنے والے پاکستان ، افغانستان اور بنگلہ دیش سے صرف غیر مسلم مہاجرین کو ہی شہریت دینے کا وعدہ کیا گیا ہے۔گریراج سنگھ حکومت کے ایک معروف رکن ہیں ۔صرف چار دن پہلے ، سنگھ کو بی جے پی کے سربراہ جے پی نڈا نے اس بیان کی وجہ سے مبینہ طور پر طلب کیا تھا جس میں انہوں نے یہ الزام لگایا تھا کہ اتر پردیش میں دار العلوم دیوبندآتنکواڑ کی گنگوتری (دہشت گردی کا سرچشمہ)ہے۔