سرینگر/18فروری: چیف الیکشن کمشنر سنیل ارورہ نے نو تشکیل شدہ مرکز کے زیر انتظام علاقہ جموں و کشمیر کی حد بندی کمیشن کے لیے سشیل چندرا کو نامزد کیا ہے۔جموں و کشمیر کی تقسیم کے کئی ماہ بعد مرکزی حکومت نے مرکز کے زیرانتظام علاقے کی حد بندی کا کام شروع کر دیا ہے۔کشمیر نیوز ٹرسٹ کے مطابق 31 اکتوبر 2019 کو جموں و کشمیر کو دو مرکزی خطوں میں تقسیم کر دیا گیا تھا، جموں و کشمیر تنظیم نو ایکٹ 2019 کے مطابق ریاست میں ایک اسمبلی ہوگی، جبکہ لداخ میں اسمبلی نہیں ہوگی، وہ چنڈی گڑھ کی مانند کام کرے گا۔سشیل چندرا کے علاوہ کمیشن میں ریاستی الیکشن کمیشن کے چیئرپرسن اور سابق ممبران کے علاوہ سپریم کورٹ کے موجودہ یا ریٹائرڈ جج بھی اس کمیشن میں شامل ہوں گے۔(کے این ٹی)
Comments are closed.